Guwahati, Dec 18: Batanggimin salbrina skang, Kerala-o, bilsi 52 ong•gipa me•chikmako drae til•ekanina aro bilongbee saknaate galanganina, Sonibar salo, Assam-ni saksa me•asako Kerala police rim•aha.

Ia rim•a man•gipa mandeara, Assam a•dokoni Firdous ong•achim.

“December 13 tariko, dosi gnanggipa Firdous, Alappuzha-oni me•chikma-ko mikbokenba, sepangbatgipa metro station-ni ramako me•sokgen ine tol•enba rimangaha aro rel rama dolongoni ma•ekatgipa biap sokahaon ua me•chikmako buringona jitpakenba ka•saninggija drae til•ekaha. Ia me•chikma, railway station-o salanti hajirana kam ka•e cha•enggipa ong•achim” ine police aganaha.

Indake, ia saknaa man•gipa me•chikmako, sepangjolo donggipa manderang nikenba sanna banna niko dakna gita hospitalona rimangaha.

Iakoba poraie nina man·gen: Kettelebell de·susaanio Meghalayaoni gold medal man·a aro recordko ong·ata