Shillong, June 14: Batanggimin somoio gipinchiniko palbadingbagipa na·tokrangko cha·e Meghalaya a·doko bang·a manderang saangtokani ja·man, a·palchiniko ra·napbaenggipa na·tokrangko laboratory-o porikka ka·e niao soatgijani sam ba formalin-ko rim·a man·anio na·tokrangko ra·napbaaniko aro pala-sim·aniko sal 15-na a·dok sorkarini champengatani bidingo, maini gimin bilsi-bonga prako formalin samko na·tokrangonikosan mangmang man·na nanga ine Khasi Jaintia Fish Whole Seller and Retailer Association (KJFWRA), Butbar salo a·dok sorkario sing·doangaha.
Iani bidingo Butbar salo, koborni manderangna aganangengon, KJFWRA-ni padot, Mitchel Wankhar, Andhra Pradesh a·dokchini na·tokrangko a·dokona ra·napbana skangan porikka ka·e nichengesa ra·bagenchimoba, na·tok ra·napbaaniko sorkarini champengatanina an·tangni suk ong·gijaniko parakangskaaha.
Maini gimin na·tokrangonikosan formalin samko bilsi-bonga prako rim·a man·skana gita nanga ine sorkario singdoangengon, batanggimin 2018 bilsioba apsandaken a·doko na·tokrangko ra·napbaaniko aro pala-sim·aniko champengangahachim ine janapangenba, Andhra Pradesh-na agreba gipin a·dokrangchiniko ra·napbaenggipa na·tokrangkoba apsandaken porikka ka·e nianirangko sorkari dakatengama ine Wankhar sing·doangkuaha.
Iakoba poraie nina man·gen: Karbi-Jantiarangni gisepo so•sojengjeng ong•atenggipa manderang Assam-ni ong•ja ine Minister a•kanga
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
