Shillong, June 14: Assam aro Meghalaya a•dokni simarango so•sojengjeng ong•ataniko ra•baenggipa manderangara ong•gija dakgipa manderangsa ong•a aro ia manderangde Assam-ni manderangba ong•ja ine Budbar salo, Meghalaya a•dokni Deputy Chief Minister Sniawbhalang Dhar baksa tom•ani ja•man Assam a•dokni Cabinet Minister Piyush Hazarika a•kangataha.
West Jaintia Hills a•jani Khanduli jolo, Jaintia aro Karbi manderangni gisepo so•sojengjeng ong•anirangko nikna man•rongengani gimin Assam-ni Minister, ia kattarangko aganaha.
Assam aro Meghalaya a•dokni manderangde chengonin meli-nangrime songdong a•chabaenggiparangsa ong•a ine a•kangatengon, Assam aro Meghalaya a•dokni simarango golmal gondogol ong•aniko ra•baenggipa manderangde Assam-oni ong•ja indiba ong•gija dakgipa manderangsan ong•aia ine Hazarika parakataha.
Assam aro Meghalaya a•dokni simarango meligrikgijanirangko ru•uta bilsirangonin namatchipna man•kujaenga ine janapatengon, ia meligrikgijaniko da•o bakan namatna gita man•gnok ine Hazarika, an•tangni ka•dongchakenganiko parakataha.
Iakoba poraie nina man·gen: EJH-ni Sonapur Tunnel-o a·a ruronganichi NH-6 gita re·ruragiparang neng·nikaniko man·a
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
