Shillong, Aug 04: West Jaintia Hills a·jani Block -I-o songdongkamgipa Khasi-Pnar jatrangko United People’s Front of Karbi Longri (UPFKL)-ni dingtang dingtang sinjetanirangko on·enga ine matnangenganiko nirokatchina gita, Meghalaya-ni skotong minister Pa Conrad K Sangma, Assam a·dokni apsan gadango dangdike on·enggipa Pa Himanta Biswa Sarma baksa agangrikataha.

“Ia mamlako Assam-ni skotong minister baksa agangrikataha aro Pa Himanta Sarma, an·tangba ia ong·enga obostako nirokatna gita ku·rachakataha ine Pa Sangma, Sukrobar salpaksachibara koborna aganangengon, iani bidingo Assam-ni skotong minister baksa golpoattaigniko Pa Sangma u·iatangenba, sima-ario ong·enggipa dingtang dingtang obostrangni giminan Assam sorkari chingni golpomitingon tom·e chanchirimanirangkoba dakenga ine Pa Sangma parakataha.

Assam baksa simani bidingo golmal donggipa biaprangni gimin batanggimin salrango chinga dingtang dingtang obostarangni a·sel a·damona damsan re·e nirokeaniko dakna chol ong·jaha, indiba ua salbrini gisepo chinga saksa sakgipin baksa chang 10 batpile ku·siliting gita golpogrikaha ine janapatengon, batanggimin salo manchigimin gita a·dok damgnini skotong minister-rang re·baenggipa August 15 tarik ja·manosa golmal gnanggipa sima-ari jolrangona damsan re·e nianiko dakangskagen ine skotong minister koborna u·iatjolaha.

Iakoba poraie nina man·gen: Mizoram-o BJP-ni kosako chakatchina dingtang dingtang dolrangko Congress didia

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub