Aizawl, Aug 4: India a•songni jakgitelaniko man•chengaoni BJP sorkarini ning•o Mizoram a•dok, andalbatsranggipa somoiko chagrongna nangenga ine Sukrobar salo, Mizoram Pradesh Congress Committee (MPCC)-ni president Lalsawta parakatenba, BJP sorkarini kosako chakatna gita dingtangmancha forum ba bimangko songchina dingtang dingtang political dolrangko, NGO-rang aro mondolirangko didiangaha.
Lalsawta-ni parakatani gitade, BJP sorkari, India a•songo dingtang dingtang jat aro toromni meli nangrime songdong a•chaenganiko nisigalnasa jotton ka•enga.
Ma•mong sorkarini ra•gatna miksongenggipa Uniform Civil Code (UCC)-ko jegalatengon, UCC-ko ra•gatahaode chonchongipa Tribal jatrangba dal•dalgipa jatrangni daka rikani aro olakkianirangkosa ja•rikna nanggnok ine MPCC-ni president parakataha.
Adita salrangna pass ka•anggipa Forest Conservation Act 1980 (Amendment Act 2023)-ko jegalatengon, ia niamko taridapanichi simarango donggipa a•dokrangode bol-wa•a, chiring chibisik, matburingrang aro sam-bolrangko bon•ate manderangna nangchakeaniko ra•bagnok ine Lalsawta parakataha.
Iakoba poraie nina man·gen: Ri Bhoi a•jao gital forum-ko songa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
