Imphal, Sept 14: Kuki jat bang·batgipa a·jao ma·sina man·gijagipa bobil dolrangni jakchi goa man·e mija Butbar salo sianggipa Manipur police-ni saksa sub-inspector Ongmang Haokip-ko Bristibar salo Churachandpur-o sipairangni dakbewalo bon·kame mande ra·aniko dakatani ja·man a·songni nisanko pingropatenba uni manggisiko gopaha.

Chingphei-o kamtangko ka·china donatako man·gipa Manipur police-ni sub-inspector, Haokip baksana ua somoio bobil dolrangni slai goanio gulli nange sakgni ramram manderangba jokkom ong·ahachim.

Ia obostani bidingo police-ni u·iatani gitade, gulli ronggni nangenba sianggipa SI sina-sitengtoangaha aro uni manggisiko mija Butbar salni 1 bajimango Chingphei a·bri ja·reko donggipa bunker-oniko man·eaha. Uni manggisiko man·ani somoio, bang·batgipa aro bang·pagijagipa jatgnini gisepo ding·grike Churachandpur aro Bishnupur a·ja damgnini simao donggipa Phubala Canal-o gogrikanirangba ong·engachim.

Jabonga gappile Manipur-o songdonggipa dingtang dingtang jatrangni gisepo kajia-nanggrike so·so-jengjeng ong·anichi gimik-gimang saksni manderang ia September ja mangmangon so·ota man·e siangaha ine nikna gita man·enga.

Iakoba poraie nina man·gen: Assembly session-ni somoiko Business Advisory Committee-sa tik ka·a: CM

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub