Boko, Nov 3: Assam Kamrup a•jani Boko jolo donggipa cha dokkanrango, dudni pal, sam bringipa powder-rangko dud dake jakkalenga aro ian mandena kenna nanganiko ra•baenga ine koborko on•aha.
Ia dokkanrango charangosan ong•aigija, chi•gipa (misti) cha•anirangoba dudni pal, iandake sam bringipa powder-rangko dud dake tarie jakkalenga ine matnanganirangko knasona man•aha.
Dolsa chatro chatrirangni sandie man•ani gitade, ia dokkanrango baditaba bilsirangonin iandake dudni pal, sam bringipa powder-rangko dud dake tarienba cha aro cha•anirango manderangna on•enga aro iandakgipa kamrangni bidingo sakkirangko man•ahaoba dokkan nokgiparang, an•tangtangni ong•gija dakgipa kamrangko ku•rachakna jechakkuenga.
Kobor on•timgiparangni u•iatani gitade, Chamaria chijolrango donggipa sakgni manderang, batanggimin bilsi gittamna, dud dake tarigipa bostuko Boko-o donggipa dokkanrangna ra•bae paltimenga aro dokkan nokgiparang, iako ma•sigenchimoba, an•tangtangni lapna dudni pal, ia bosturangkon dud dake jakkalskaenga.
Iani bidingo songni manderang aro chatro chatrirangni dolko dilgipa mande saksa, paltimgipa manderango sing•sandion, ia ‘tol•gipa dud’-ko palani bidingo ku•rachaktokaha.
Ia dud dake tarigipa bostuko dokkanrangna litre-prako gong 25-oni gong 30-onasan palenga aro dud asolni damara gong 40 ba 50-mang ong•engani gimin cha dokkan dakgiparangba, an•tangtangni man•dapgnina ia bosturangkon dudni pal jakkalskaenga ine kobor on•timgiparang parakaha.
Kobor on•timgiparangni u•iatani gitade, dokkan nokgiparang an•tangtangni ong•gija dakaniko jegale, dudko jakkalna skang lactometer-chi porikka ra•chengronga ine a•kangtokengoba, lactometer-chide dudo chi brinakosan ma•sina man•aia aro sam bringipa bosturangkode ma•sina man•ja ine u•i-ma•sigipa manderang talataniko on•skaaha.
Iana agreba, ia cha dokkanrango ma•manti cha•anirangko mitchigipa aro tampi bang•gipa biaprangosa tarienga ineba kobor on•timgiparang parakaha.
Na·simang iakoba nina man·gen:
Na·simang iakoba poraina man·gen: Meghalaya-ni ranger Marthilina Sangma-ko Rangers – Women Reshaping the Conservation ki·tapo janapa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
