Guwahati, Nov 3: Assam a•dokni Sribhumi a•jao donggipa Indo-Bangla simani Bhanga-Harinagar samba jolo Border Security Force (BSF) dolni sipairang baksa Bangladesh a•songni manderang nanggrikako video-rango niksona man•aha.
Kobor on•ani gitade, ia a•sel ong•ani, Assam a•dokni Cachar aro Karimganj baksana Bangladesh a•songni Sylhet a•jako ma•ekatgipa sima jolo ong•aha.
Bangladesh a•songni manderang, Surma chibima sambao me•surangko ge•na gita niam gri India a•songona re•napbaaha aro ia manderangni niam gri re•napbaako niksoe, 170 Battalion BSF-ni sipairang, uamangko champengna jotton ka•on, Bangladesh a•songni bang•bea manderang, ua biapo tom•chimongenba, BSF dolni kosako chrik a•bokna a•bachengaha.
Iandake Bangladesh a•songni manderang, BSF dolni kosako matnanganirangko dakahaoba, so•sojengjeng ong•anirang batroroangjana gita BSF dolni sipairang, tom•tomaniko rakkie ua biapon dongaiaha.
Ia a•sel ong•ani ja•man, BSF aro Border Guard Bangladesh (BGB)-ni gisepo tom•aniko ong•atangenba, dolgnini gisepo so•sojengjeng ong•aniko namatna man•aha. A•song damgnini simarango tom•tomaniko rakkiangna aro so•sojengjeng ong•anirangko chel•chakna gita ia tom•anio BSF aro BGB dolgni chanchirimangaha.
Na·simang iakoba nina man·gen:
Na·simang iakoba poraina man·gen: Boko-o dudni pal sam bringipa powder-rangko jakkalenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
