Boko, 18 June: China-Magur na•tok jilaniko dontongatani ja•man niam gri jilkuengiparangko bonatna gita Assam sorkarini Fisheries Department-rang Bristibar salo Poyranga, Boko jolo nirokaniko dakangaha. Ia amsandianio quintal 7 China Magur na•tokko man•angaha, indake ua na•tokko a•kolo kari baksa gopchapenba nosto ka•e galaha. Chhaygaon Development Block-ni Fisheries Officer Mondip Saikia-ni dilanio dakdilanggipa ia amsandianio, niamgri China magur na•tokko jilaniko aro pale cha•aniko dongtongatna gita ja•ku de•enganiko nikna gita man•angaha.
Ia China magur na•tokko-ara local na•tokrangna aro samtangtango dongiparangna namgijagipa ong•ani gimin sorakari ia na•tokrangko jilaniko aro badinganirangko bonatna gita iarangko dakna ja•ku de•enga aro jerangan ia kamrangko ka•kuengachim rim•a man•genchimode uamangni kosakko raka ja•kurangko de•gen ine Official-rang aganangaha.
India-ni dingtang dingtang bakrango ia magur na•tokko jilanirangko bilsi 2000-oni dontongatahachim indiba Assam-ni aro gipin a•dokrangni adita manderang niamni a•palo iarangko dakuengani gimin iarangko dontongatna sorkari da•o raken kam ka•na gita a•bachengengaha ine Official-rang agandapangaha.
Ia na•tokko jilsrukengiparangko bonatsramgna Assam-ni Fisheries Department-rang Assam-ni dintang dingtang a•jarango raid ka•aniko ba re•ange nirokairangko dakbatatengaha. Iara Assam sorkarini chio ma•manti jongturangko aro samtangtango dongiparangko naljoke rakkina raken kam ka•enganiko mesokenga.
Na·simang iakoba nina man·gen:
Na·simang iakoba poraina man·gen: NEHU Tura Campus-o kam ka·giparang, jingjengataniko dontongkujana tik ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
