Dudhnoi, May 27: Adita salrangna skang, Assam a·dokni Dudhnoi jolo donggipa Balapara songni Boro me·chik bi·sa sakgniko drae til·ekgipa manderangko pasi on·china dabie Sombar salo United Forum of Ex-NDFB, All Boro Students Union (ABSU) aro Goalpara District Committee-ni gita dingtangmancha jinma tom·bimonge re·jomaniko Dudhnoi kal·chakramo ong·atangaha. Ia tom·bimonganio GSU Assam State Zone-ba bakko ra·angaha.
Koborko on·ani gitade, bilsi sokkugijagipa Boro me·chik bi·sa sakgniko, re·anggipa May-ni 3 tariko, Dudhnoi Police Station-ni ning·o donggipa Tangabari songni mande sakgittam, chong·motan Dhan Ali Talukdar, Bahar Ali aro Rahman Ali, pekgipa ringanirangko on·ani ja·man drae til·ekahachim. Dos dakgipa manderang, drae til·ekako man·gipa me·chik bi·sa saksani adatangkoba so·ote galahachim.
Indake ong·engon, dos dakgipa manderangko police-rang rim·aha indiba ia manderangna maming rakgipa sastirangko on·kujaenga ine nikenba, Dudhnoi jolni dingtang dingtang dolrang, dos dakgipa manderangko pasi on·china dabie Sombar salo, jinma tom·bimonge re·jomaniko ong·atangaha.
Sombar salo mikkarang wabegenchimoba bang·a manderangan ia tom·e re·jomanio bak ra·angtokaha aro dos dakgipa manderangna siani sastiko on·china dabiangtokaha.
Ia rally-ko ong·atani bidingo GSU Assam State Zone-ni vice president Sengman Sangma, kobor ra·timgiparangna u·iatengon, Dudhnoi jolo Boro me·chik sakgniko kragija dake drae til·ekgipa manderangna siani sastiko on·china dabiangtokaha ine parakatenba, Assam-ni sima jolrango donggipa A•chik me•chik bi·sarangko skatang dake walo-salo roramjachina aro ma·a paarangkoba dedrangna simsakchina mol·moljolataha.
Na·simang ia video-koba nina man·gen:
Na·simang iakoba poraina man·gen: South Kamrup-o gimaangenggipa chipu nokmako jokata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
