Guwahati, Dec 7: Changchetgipa Brahmaputra Valley Film Festival-ko re•baenggipa December 14 tarikoni 17 tarikona Guwahati songjinmao ong•atenga aro ia film festival-o dingtang dingtang jawilwatrangko mesokna gita sienga ine Brahmaputra Valley Film Festival-ni director Tanushree Hazarika u•iataha.

Hazarika-ni u•iatani gitade, ia jawilwatrangko Guwahati songjinmani Kahilipara-o donggipa Jyoti Chitraban Film Studio-o mesokgen aro ia film festival-o jawilwat tarina gisiko nanggipa manderangni gisepo agan-chanchirimani aro skie on•anirangba donggen.

Ia film festival-na gimik ming 200-na baten jawilwatrangko man•soaha ine janapatengon, ia ming 200 jawilwatrangoni ming 120-mangni gitade salgro salaram a•dokrangonin ong•a aro gipinrangde India a•songni dingtang dingtang biaprangoni ong•a ine Hazarika parakataha.

Ia Brahmaputra Valley Film Festival-na man•sogipa ming 200 jawilwatrangoni nambatgipa ming 30 jawilwatrangko seokenba mesokanggen ineba ia Film Festival-ni director Tanushree Hazarika parakataha.

Iakoba poraie nina man·gen: Manipur: Tangkhul sakgittamko dokgiparangko rim·china konta 48ko somoi on·a