Shillong, Sept 21: Re·anggipa May 6 tarik walo ong·gipa obostako, “BSF sipairang, saksa trak salgipako goe so·ota” ine koborrango nakatatgipani bidingo Sohra-ni MLA Pa Gavin Mylliem, Bristibar salo Meghalaya Legislative Assembly-ni Autumn session-na tom·ani somoio Zero Hour-o ia mamlako naatenba so·ota man·gipani nokdangna gampilskaaniko on·china gita sorkariko mol·molangaha.
“Unwalo BSF sipairangni jakchi so·ota man·gipa Nongkynrih-ni nokdangna on·na nangchongmotgipa dakchakaniko uamang da·alonaba man·soa dongkuja ine janapatengon, a·selo sianggipa, uni jikgipa aro dedrang sakgni baksa janggi tangpaengachim, aro kangal nokdangoni ong·an baksa da·alo Nongkynrih-ni sianganichi nokdangna ga·brite am·bae on·gipa saksaba dongjaha ine parakatan baksa, dongrikenggipa uni nokdangna maichiba dakchakanirangko on·china gita India sorkari baksa agangrike kamrangko ka·achinaba Sohra-ni MLA, a·dok sorkariko didiangjolaha.
Follow NE Hub News with just a Click on Whatsapp; Direct Link here
Re·anggipa May 5 tarikni walo, saksa trak sale cha·enggipa bilsi 34-ong·gipa Ronin Nongkynrih, uni jonggipa nanggipa baksa Pynursla-oni Dawki-ona dakanggipa rama gita matmarangko gate salangengachim. Indake ong·engon, BSF sipairang uko Mawshun song sokna skang goe so·otaha ine matnanganiko nikna gita man·aha.
Badi ka·doanggipani Pynursla police station-o mokordomako segatangani gitade, Nongkynrih, ua somoio Mawphun song sokna skang matmarangko ra·ongalna gitasa jakrachipak salgonggeaha aro unomiting BSF sipairang mini trako uni ki·sangchi ja·rikbapae uko sambaoni goaha, aro slai gulli Nongkynrih-ni skoo nangeahani a·sel ua janggi galaha ine matnangaha.
Indake ong·genchimoba, BSF official-rangni mokordoma segatanggipao gitade, Wahkdait song samba, Pynursla -Dawki ramao kamtangko ka·enggipa BSF sipairang ua somoio gariko dongdipchina gita driver-ko mikrakatchengaha ine janapskaaha.
Unomiting, a·dokni Home Minister Pa Prestone Tynsong, dolgnichinikon mamlarangko segataha aro da·o sandiatanirangko dakenga, indioba ia mamlao darangkoba rim·a dongkuja ine aganchakangan baksa, iani kakketko u·ina aro dolgninichi obostarangko talna gita police officialrang jotton ka·enga ineba ua house-o ka·dongataniko ong·angjolaha.
Iakoba poraie nina man·gen: Chokpot Badugre songo niam gri ro•ong bikotaniko dontongchina NGO-rang dabia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
