Shillong, Feb 6: 2026-2027 bilsini State Budget-na Sukrobar salo, a•dokni Chief Minister Conrad K Sangma, dingtangmancha tom•e chanchirimaniko ong•atangaha.
Ia tom•anio, skigiparang, chatro chatrirang, songsalna kam ka•enggipa dolrang, game ge•e cha•gipa dolrang, sorkari official-rang, journalist-rang aro dingtang dingtang gadangni manderang baksa a•dokni budget-ko tariani bidingo Chief Minister chanchirimangaha aro uamangni sing•anirangna agan-talatanirangkoba on•angaha.
Ia chanchirimanirangko dingtang dingtang department-rang, knatime aro see ra•angtokaha.
Ia tom•anio a•dokni Chief Minister, jinma baksa chanchirimengon, batanggimin bilsichetni gisepo a•doko chu•sokatgipa dingtang dingtang kamrangko mesoke on•angenba, Meghalaya a•dokba GSDP-o a•songo ta•rakbatsrange dal•roroenggipa a•dok ong•enga aro Tamil Nadu-ni ja•man gnigipa ong•enga ine parakangaha.
2022 bilsioni a•bachenge 2032 bilsini gisepo a•dokni economy-ko changgittam bariatna niksamsoenganiko janapangengon, dingtang dingtang mongsonggipa kamrangko tang•doatna sorkarini nisan done kam ka•enggipa Mission 10-ni bidingo Chief Minister talate on•angaha.
Pilak manderangnan budget-ko namgni ong•atna man•na gita an•tangtangni u•i-ma•sianirangko [email protected] website-oba ba CM Connect helpline nombor-ona u•iatchina gitaba Chief Minister, a•dokni manderangko didiangaha.
Na·simang iakoba nina man·gen:
Na·simang iakoba poraina man·gen: AIU-ni East Zone Inter University Handball Tournament-ko USTM-o sokachakgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
