Guwahati, Oct 17: Badminton Association of India-ni October 6-19, 2025-ona Guwahati-o ong·atenggipa YONEX SUNRISE BWF World Junior Mixed Team Championships aro World Junior Badminton Championships 2025-ko Vedanta Group-ni ning·o ong·gipa aro India-ni dal·batgipa oil and gas producer Cairn Oil & Gas bakrime ong·atenga.
Ia dal·gipa gadango ong·atgipa kal·anichi India-ni Salgro Salaram-o kal·susaanirangko niksengata, aro a·song dam 40-rangna bataoni re·bagipa chadambe kal·susagiparangna an·tangtangni changa-sapaniko mesokna cholrangko on·a.
Cairn-nade, ia bakrimaniara kal·susaani bidingosan ong·aija indiba chadamberangko bil gnangatna uni on·kange kam ka·ani, songrangni manderangni kal·susaanirangko namdapatani aro namroro-silroroanikoba ra·bana ja·ku de·aniba ong·a. Ia bakrimaniara chadamberangni kal·susaanirango aro janggi tanganirango chu·sokaniko ra·bana cholrangko bikotna ine ong·e ine company-ni manderang aganangaha.
“Bilsi 17-ni ja·mano chinga ia dal·gipa kal·susaaniko Guwahati-o ong·atenga. Chinga ia kal·susaaniko chingni President Dr. Himanta Biswa Sarma-ni aro sorkarini dakchakani aro dilani gri ong·atna man·jawachim. Dam 44 a·songrang bak ra·enga aro junior team event-o India uni skanggipa bronze medal-ko amaha, aro iara namen gisik ra·na krabegipa ong·a. Nambatgipa kal·susagiparang jekai Ratan Beer Sharma, Unnati Hoods, aro Chauhan nambeen kal·angaha aro semifinals-ona doe on·tisani pal Indonesia-ni jako ama cha·aha. October 19-o final match-rangko niechina anga Assam-ni aro Guwahati-ni manderangko didina ska – iano pilakan indin napna man·gen,” ine Assam Badminton Association-ni General Secretary Umar Ushid aganangaha.
Bilsianti ong·atenggipa BWF World Junior Championships-o bak gni donga – Mixed Team Championships aro Individual Championships – jekon sal 12na ong·ata aro dam 50mang a·songrangoni sak 400 ong·nasipile kal·susagiparang bak ra·a.
Cairn Oil & Gas uni kam ka·enggipa biaprango chadamberangko aro kal·susaanirangko namdapatna gisik nange kamrangko ka·enga. Ia company Golaghat, Assam-oni kiteboarding-o namen sapgipa Nikhamoni Bora-naba namedake skie ra·anirangko dakna dakchakaha. Uni a·bachengatgipa Project Divyang gita (Sports), Cairn sak 12 para-athleterangna tangka-paisarang, kal·susaani bosturang aro cha·a-ringanirangko on·e dakchakaha aro uamangoni bang·aan a·songo aro a·gilsakni gipin biaprangoba niksenganiko man·aha.
Na·simang iakoba nina man·gen:
Na·simang iakoba poraina man·gen: PROBITES-ko a·bachengatanio CM bak ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
