Shillong, Oct 17: PROBITES aro Future Founders Felicitation-ko Sukrobar salo, Shillong songjinmani Dominic Conference Hall-o a·bachengatanio, Meghalaya a·dokni Chief Minister Conrad K Sangma-ba bak ra·angaha. Ia program-ko St Anthony’s College Centre for Entrepreneurship, Innovation & Incubation (SAC CEII), PRIME Meghalaya baksa nangrime ong·ataha.
Ia PROBITES-ko SAC CEII-ni gitcham chatrorang, chong·motan 2025 bilsio Biochemistry Department-oni graduate ong·anggipa Banraplang Nongphud, Sachen M Sangma aro Shanborlang Sunn tariaha.
Ia program-ko ong·atanio a·dokni Chief Minister, tom·anio bak ra·giparangna aganprakangengon, ia PROBITES cha·aniko tariahani gimin SAC CEII-ni gitcham chatrorangko mittelpilangenba, mikkangchiba a·dokni chadambeskarangko bading chiwalanio chu·sokdilanggiparang ong·angchina ku·pattianirangko on·angaha.
SAC CEII aro St Anthony’s College-ni kamrangko mittelpilangskaengon, batanggimin bilsirango a·dokni economy-o dal·roroaniko nikna man·engani gimin a·dokni Chief Minister jinmana talatanirangko on·angaha.
2018 bilsio Meghalaya a·dokni GSDP, dollar billion 4.4 ong·aoni da·alo dollar billion 6.6 ong·aha aro 2028 bilsiode dollar billion 10-na nisanko donenga ineba Chief Minister aganaha.
Employment, tourism aro skill development-ni gimin janapatskaengon, Skills Meghalaya aro PRIME gita dakgipa program-chi hajalni hajal chadamberangna dakchakanirangko on·na man·engani gimin 2028 bilsini gisepo tourism-mangmangchian ming 60,000 kamrangko ong·katatna man·gen ine Chief Minister parakataha.
2018 bilsio dol 5800 self help group (SHG)-rangoni da·alo dol 51,000 SHG-rangko ong·katatna man·ahani gimin ian me·chikrangna janggi tangani cholrangko on·aniko mesokaniba ong·aha ine Sangma aganaha.
Chadamberangni changa sapanirangko ra·dona gita sorkarini ra·gatgipa dingtang dingtang program-rangni gimin janapangskaengon, chadamberangko bading chiwale cha·giparang ong·na sikenga ong·ode da·alonin kamko a·bachengani ong·engaha ine Chief Minister aganaha.
Na·simang iakoba nina man·gen:
Na·simang iakoba poraina man·gen: Zubeen Garg-ni sianio maming ong·gija dakani dongja: Singapore Police
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
