Shillong, Feb 28: Comptroller and Auditor General of India (CAG), Meghalaya-o Labour Welfare Scheme-ni ning·o man·a kragipa beneficiary-rang uamangni man·gnirangko man·jaha, indiba apsan manderangan man·gnirangko man·taitaiaha ine parakataha.
2023 bilsini March 31 tarikona Social and Economic Sectors aro Urban Local Bodies-ni report-ko Skotong Minister Conrad K Sangma-ni Assembly-o on·anganio, bang·a apsan bimungni beneficiary-rangan man·gnirangko man·taitaiaha aro uarangoni ming 15 case-rango chang 4 prakna transfer ka·aha, ming 60 case-rango chang 3 prakna transfer ka·aha aro ming 381 case-rango chang 2 prakna transfer ka·aha ine u·ina man·aha.
Unbaksana CAG, lak 4.68 mangni gita maternity scheme-rangko sorkarioni ra·chakmanahaoba, sak 156 mangni gita beneficiary-rang an·tangtangni man·gnirangko man·jaha ine u·ina man·aha.
Indake iarangni bidingo maini gimin beneficiary-rangni account-ona tangka paisarangko watatjahachim, Labour Department-oni kraa aganchakaniko ba talataniko on·jaha.
Iarangna agreba sak 64 mangni gita beneficiary-rang, death scheme-oniko man·gnirangko Board-ni gita gong kror 1.8 tangka paisarangko chamatman·ahaoba uamango chu·onga gita lekka pancharang dongjani a·selo man·gnirangko man·jaha ine report-o janapaha ineba CAG parakataha
Unbaksana, cash award scheme-oniko man·a nanggipa bi·sarangba chu·onga gita dilaniko man·jani a·selo sak 12 applicant-rangba man·gnirangko man·jaha ineba CAG u·ina man·aha.
Indake CAG-ni a·doko Labour Welfare Scheme-ko chu·sokatani bidingo sing·doanirangna Labour Department-oni aganchakaniko man·sokuja.
Na·simang iakoba nina man·gen:
Na·simang iakoba poraina man·gen: National Science Day 2026-ko Tura Science Centre-o mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
