Manipur a•doko so•sojengjeng ong•enganichi jagni batpile chipe donna nangani ja•man da•o skulrangko class 8-onade kulipiltaiaha.

Jowai-ni MLA Pa Wailadmiki Shylla-ni re·anggipa bilsi 2022-o a·bachengate on·anggipa Free Coaching Programme-o bak ra·gipa aro ia bilsini SSLC porikkao nambee chu·sokgipa chatro-chatrirangna mande ra·aniko dakna gita Mongolbar salo Jowai, Thomas Jones Synod College-o programko ong·atangaha aro ia programo JHADC-ni MDC -rang aro gipinrangni dongpaanio Pa Shylla an·tangan mongsonggipa sokgipa ong·e bakko ra·angaha aro West Jaintia Hills-ni DESO, Ma AP Syiem mande ra·ako man·na kragipa sokgipa ong·e bakko ra·angskaaha.

Meghalaya a•dokni Sports & Youth Affairs department, Meghalaya State Olympic Association (MSOA) baksa nangrime ‘Lead Program’-ko a•bachengataha aro ia program-ni ning•o international level baksana Olympics-rango susapana man•na gita saksku kal•susagiparangko training-na seokaha ine Mongolbar salo, a•dokni Sports Minister Shakliar Warjri parakataha.

Re•anggipa June-ni 5 tariko World Environment Day-ko mania intal Sikkim a•doko pang 1,15,000-na baten bolrangko ge•angtokaha.

Kuki National Organisation (KNO)-ara dol 17 Kuki bobil dolrangoni chubatgipa ge·sa dol ong·a, jemangan Kuki jatna Manipur-ni ning·o dingtang a·jako on·china gita dabiengachim ine nikna man·a.

Iani bidingo talataniko on•angengon, Solar Mission-na lekkani kamrangko matchotmanaha aro ia jani gisepon ia mission-ni bidingo jinmana parakatna man•aba dongaha ine a•dokni Chief Minister Conrad K Sangma parakataha.

Koborko on•ani gitade, ia matchurangko Assam a•doko donggipa Dhemaji-oniko Meghalaya a•dokona palsrukatengachim aro ia matchurangko ka•saninggija dake to salgipa truck gariosa dongnue salangengani a•sel matchurang nom•boktokahachim.

Meghalaya a•dokni dam 12 a•jarang, jerangon chu•onga gita biaprang aro nanga gita cholrang donga, uandakgipa pilak biaprangon CUET centre-rangko kulichina gita ma•mong sorkariko mol•molaha ineba Chief Minister parakataha.

Shillong-ni Harijan colony-o songdongkamgipa Punjabi nokdangrangko gipin biapchi apjitatna kamrangko ka·enggipani mamlao, Meghalaya High Court baksana a·dok sorkariko kal·ake roanina a·dokni kachari Sombar salo, Harijan Panchayat Committee (HPC)-ko matnange aganangaha.

Khasi Hills a•jarango drugs ba pekatgipa samrangko jakkalani aro badingsrukanirang batroroenganichi songsalo neng•nikanirangko chagrongna nangtokengani gimin Sombar salo, Khasi Students Union (KSU) South West Khasi Hills aro Mawkyrwat unit-ni dilgiparang, Meghalaya a•dokni Social Welfare Minister Paul Lyngdoh-ko grongenba, ia jolrango drugs jakkalani aro badinganirangko champengatchina didiangaha.