Shillong, July 4: Mongolbar salo, Meghalaya a•dokni Chief Minister Conrad K Sangma, Union Education Minister Dharmendra Pradhan-ko New Delhi-o grongenba, Common University Entrance Test (CUET)-o nangchakegipa kamrangni bidingo agangrikangaha.
Iani bidingo social media-o jinmana parakatengon, Meghalaya a•dokni a•palrango donggipa centre-rango sena donatako man•e Common University Entrance Test (CUET)-ko serikna man•gijagipa a•dokni chatro chatrirangna dingtangmancha porikkako ra•taina gita Education Ministry aro NTA-na ge•etaniko on•china Union Education Minister-ko mol•molaha ine Sangma parakataha.
Meghalaya a•dokni dam 12 a•jarang, jerangon chu•onga gita biaprang aro nanga gita cholrang donga, uandakgipa pilak biaprangon CUET centre-rangko kulichina gita ma•mong sorkariko mol•molaha ineba Chief Minister parakataha.
Chief Minister-ni parakatani gitade, Shillong, Tura, Jowai, Nongstoin aro Williamnagar jillarangon gipin a•jarangkoba man•chapna altubatengani gimin ia jillarango CUET centre-rangko kulichina gitaba a•dok sorkari, ma•mong sorkariko didiangaha.
A•songni gipin biaprango sena donatako man•ahani gimin salgro salaram a•dokrangni chatro chatrirangnade CUET porikkako National Testing Authority (NTA) ra•doatna tik ka•angahachim ine nikna man•a.
Meghalaya a•dokni chatro chatrirangba bang•batan CUET-ko Jharkhan, West Bengal, Assam aro a•songni gipin bakrangosa sena donatako man•ahachim.
Iakoba poraie nina man·gen: Kachariko aro a·dok sorkariko kal·ake roanina Meghalaya High Court, Harijan Committee-ko matnanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
