Imphal, July 4: Kajia-golmaloni tom·tomna man·chipkujaenggipa Manipur-ni Churachandpur-o donggipa Kuki National Organisation (KNO)-ni ku·wattimgipa Dr Seilen Haokip-ni noko mija Sombar walo ma·sina man·gijagipa manderang so·aha.

Koborni gitade, Dr Seilen-ni nok baksana ge·sa farmhouse-koba Sombar wal 11 aro 12 bajimangni gisepo so·ahachim, indiba obosta ong·chakatmitingo wa·al kimite galgipa department bakan sokbachangenba wa·alko rukimite galna gita cholko man·aha.

Wa·alko rukimte galna man·srapahaoba, nok ning·ao donggipa bang·bata gamrangkode bon·ekon kamahani a·sel mamingkoba man·rikskajaha aro kama man·giparangoni uni jakkalgipa Polo gariba kamchapa man·aha ine ja·pangoniko knasona gita man·aha.

Kuki National Organisation (KNO)-ara dol 17 Kuki bobil dolrangoni chubatgipa ge·sa dol ong·a, jemangan Kuki jatna Manipur-ni ning·o dingtang a·jako on·china gita dabiengachim ine nikna man·a.

Koborko man·soani gitade, mija Sombar salo Kangpokpi a·jani a·bri ja·rek jolo gulli goanirang ong·taianichi Manipur-ni obostarang da·oba namjabataona sokangpiltaiaha.

Indake ong·engon, tom·tomaniko nangnikgijagipa dolrangni kosako chel·chakgipa dolrangba nangrime operation ka·aniko a·bachengataha ineba koboro parakataha.

Iakoba poraie nina man·gen: Kachariko aro a·dok sorkariko kal·ake roanina Meghalaya High Court, Harijan Committee-ko matnanga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub