Deputy Commissioner-ni parakatani gitade, maini a•sel ia stadium-ni pakma be•wakangahachim, uani bidingo name nina gita ua biapona Meghalaya State Sports Council-ni chief engineer BM Syiem aro HSCL-ni official-rangko okamataha.

A·chik a·songko dingtangatna ine pangchakaniko donenba, ABDK BYF, East and West Wildlife Division, DFO Tura, West Garo Hills baksa nangrime, Garo Hills Environment Protection Society (GHEPS), mija Butbar salo West Garo Hills-ni Norek Daribok-o Environment Sustainability-ni bidingo chong·motan an·chingni samtangtangko simsake jakkalani gimin manderangna ma·siate on·na gita awareness programme-ko ong·atangaha.

Tura-ni College of Teachers Education, chong·motan B.Ed college-ni students union-ni gita watata man·gipa chatrorang, skie on·ani a·bako namdapatna gita Teachers' Education course-o Masters-ko a·bachengate on·china dabian baksa college-o poraiani biaprangko ge 100 onaEducational minister Pa Rakkam Sangma-ko mija Bristibar salo grongangenba memorandum-ko on·angaha.

Uamangko rim·ani bidingo, Amtali Police station-ni SI, Pintu Biswas-ni koborna parakatani gita, ma·sina man·gijagipa sakgni manderangko Aswani bajaro nikani gimin koborko man·a tapan mobile patrol team-ko watataha aro uamangko rim·e sing·rikkianiko dakon saksa Iran a·songni aro sakgipinara Bangladesh-ni ong·a ine ma·sina man·aha aro songre-songgabatani maming lekkarang donggijaniko nike uamangko police station-ona rim·baaha aro mobile phone ge·sako uamangoniko sekaha.

Stadium-ni pakmarang be•wakangani a•selko da•o dipet tale aganna man•kujawa ine janapatengon, magisterial inquiry matchotahaon, inquiry report-o pangchake nanga gita ja•kurangko de•anggen ine Chelani parakataha.

A·doko mikkarang chu·onga gitan wana a·bachengahaniko Pa Sangma an·tangna ra·chakangengon, a·doko bijolina neng·nikaniko namatna gita mikka china nichake uno ka·donge kamko ka·aiachi mangmangde chu·ongjawa, indiba iandakgipa neng·nikani somoiona name chanchininge aro simsake kamko ka·anisa nangchongmotgipa ong·enga ine Pa Sangma aganangaha.

Jingjengataniko dakanio Manipur a•dokni manderang, Prime Minister Narendra Modi-ni maming ku•rangko on•jaengani gimin jegalanirangko dake, uni bimangkoba tarie so•aha.

Ia program-ko ong•atanio Meghalaya a•dokni Education Minister Rakkam A Sangma, mongsonggipa sokgipa ong•e jinmana aganprakangengon, porikkao namgipa result-rangko man•e A•chik a•songna mikkim rasongko ra•baahani gimin chatro chatrirangko mittelpilangenba, ian uamangna gital songreaniko a•bachenganisan ong•enga ine parakangaha.

Iani bidingo kobor ra•timgiparangna talataniko on•angengon, reservation policy-ko nipiltaianio pilaknan namgniko on•na gita aro darangnaba mikkang niteani dongjana gita expert committee-ko songna kam ka•enga ine Chief Minister parakataha.

Iani bidingo GSU, Eastern Zone-ni president Saljrang Tengrik R Marak-ni koborna seachi u·iatanio, namen chel·bea biaprangchini re·bae dingtang dingtang lekka ba certificate-rangko tarina nangnikgipa manderang PFC-o basakoba internet donggijanichi aro technical-ni gita neng·nikaniko chagronganichi jakari pil·angpilna nangrongani bidingo union, bang·a changon manderangni apoti ka·anirangko man·soronga ine janapataha.