Shillong, June 21: Meghalaya a•dokni Reservation Policy-ko gital dake nipilanio darang jatnaba mikkang niteani dongjana gita sorkari, Expert Committee-ni membor-rangko sandienga ine Budbar salo, Meghalaya a•dokni Chief Minister Conrad K Sangma parakataha.

Iani bidingo kobor ra•timgiparangna talataniko on•angengon, reservation policy-ko nipiltaianio pilaknan namgniko on•na gita aro darangnaba mikkang niteani dongjana gita expert committee-ko songna kam ka•enga ine Chief Minister parakataha.

Reservation policy-rangko tarianio u•i-ma•sigipa manderangkosa sorkari, expert committee-o donna gita nangnikenga ine talataniko on•angengon, iako chu•sokgipa ong•atna gitade, darangnaba mikkang niteani grigipa reservation policy-ko tariani gamchataniko ma•sina gita namen nangchongmota ine Chief Minister aganaha.

Expert committee-ni membor-rangko seokanio a•doktangonikosande sorkari seokna gita nangnikjaenga ine janapatskaengon, reservation policy-ko pilakni namgnina tarina man•na gita gipin a•dokrangonikoba nienga ine Chief Minister parakataha.

Iakoba poraie nina man·gen: Pa Charles Marngar-ko KHADC-ni Deputy Chairman-na seokani ja·man mande ra·aniko dakanga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub