Tura, June 21: Dingtang dingtang lekkarangko ba Certificate-rangko tarianio manderang neng·nikaniko chagrongjana gita Williamnagar-ni Deputy Commissioner Office-o sorkarini songe on·gipa Public Facilitation Center (PFC)-o kamko ka·enggipa staff saksani songadamoni re·bagipa ramram manderangko skatang aganani gimin aro kamtangko namedake ka·jaengani gimin Garo Students’ Union (GSU), Eastern Zone, Butbar salo a·jani Deputy Commissioner-na badi ka·doangaha.
Iani bidingo GSU, Eastern Zone-ni president Saljrang Tengrik R Marak-ni koborna seachi u·iatanio, namen chel·bea biaprangchini re·bae dingtang dingtang lekka ba certificate-rangko tarina nangnikgipa manderang PFC-o basakoba internet donggijanichi aro technical-ni gita neng·nikaniko chagronganichi jakari pil·angpilna nangrongani bidingo union, bang·a changon manderangni apoti ka·anirangko man·soronga ine janapataha.
Sorkarini challaienggipa center ong·genchimoba, PFC-o kamko ka·enggipa manderang ba staff-rang bang·bata changon songadamoni re·bagipa manderangko skatang katta aganronga baksana, office-o Caste Certificate form-ko on·na man·omangba manderangna on·na gita jechake badiaba a·palo chalaigipa private Customer Service Center (CSC) ba cyber-rangchi re·ange ra·echina gita agananiko nikna man·a ineba union-ni dilgipa janapataha.
CSC-o Caste Certificate-ko tarina gong 300 oni 500 dake tangka ra·engani gimin, PFC-o kamko ka·enggipa mandeni agana gita mande sakantide CSC-ona re·ange taripana chol ong·pajawa ine janapatan baksa, manderangna dangdike on·chinasa sorkari ua mandeko kamo rakkiama, ba CSC-ni agent ong·chinasa kamo rakkiama ineba union sing·doangaha.
Indake ong·engon, uni daka kamrang niamni a·palo ong·a ine janapatenba, manderangni chagronggengipa nang·nikaniko nirokatchina aro PFC-o kamko ka·enggipa mandeni kosako nanga gita ja·kuko de·atchina gita union, dingtangmancha bil man·giparango mol·molatjolaha.
Iakoba poraie nina man·gen: Pa Charles Marngar-ko KHADC-ni Deputy Chairman-na seokani ja·man mande ra·aniko dakanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
