Tura, June 20: Sukrobar salo, Central Agriculture University (CAU), Imphal-ni College of Community Science, Tura-o poraienggipa chatrirang, South Garo Hills-ni Diglapara songo uamangni Rural Awareness Work Experience (RAWE) Programme-ko name matchotataha.

Community Science-ko poraienggipa 4th year-ni chatrirang, songo janggi tangani bewalrang aro uamangni chagrongna nanggipa neng·nikanirangko u·ina gita anti 4-na uamang baksa dongkame sandie nianirangko dakangaha.

Uamang nokantiona re·e sing·sandie nianirang, awareness campaign-rang baksana an·seng baljokani, be·enna namgipa cha·ani ringani, rongtal an·talani, me·chikrangko bil gnangbatatani, janggi tangani cholrang aro samtangtango donggipa ong·telaigiparangko simsake jakkalani bidingo skie on·ani program-rangkoba ong·atangaha.

Ia program-ko matchotatna tom·bimonganiko ong·atmiting somoio, Rangsakona-ni MLA Subir Marak, songni manderangna dangdike on·a gita an·tangtangko on·kange kamko ka·ahanina chatrirangko de·mitelatengon, ua songadam biaprango namroro silroroaniko ra·bana on·gilpaanikoba dakangkuchina didiataha.

Dobasipara BSF Camp, BWWA-ni President Puneet Sharma, dal·batgipa sokgipa ong·e mikrakatani aro lekka pora-ko on·anichi songadamo donggipa nokdangrangni janggi tanganiko namdapatna gita Community Science-ni gamchatgipa on·gilani bidingo ua u·iate on·angskaaha.

Rerapara-ni Block Development Officer Cheman Shira, pangkamgipa namroro silroroaniko man·ade poraichakram biaprang aro jolni authority-rangni gisepo bilakbate kam ka·na nangchongmota ine aganangskaaha.

College of Community Science-ni Dean Prof. Jyoti V. Vastrad, a·bachengo rimchaksoani kattarangko aganangan baksana RAWE program-ara chatrirangko dake nigimin changa sapani, janggi tanganio chong·mot dake niani aro songadamo donggipa manderangni chagrongna nanggipa neng·nikanirangko ning·tubate u·ina dakchaka ine u·iataha.

Songni nokma Shrivendra Koch aro songni mande saksa Amola Koch minggipa, uamangni pilak daka kamrang songni manderangna bang·a namgnirangko on·angaha ine aganenba, uamang college aro chatrirangko mitelataha.

RAWE-ni coordinator Dr. Ranima Saikia-ni mitelpilani kattarangchi ia program-ko matchotatengon, ian College of Community Science-ni songadam biaprango donggipa manderangna dakchakaniko on·ani, chatrirangna an·tang dake nie skie ra·ani aro jolo songdonggipa manderangni janggi tangani cholko ra·dona on·kange kam ka·aniko changsatai mesokangaha.

Na·simang iakoba nina man·gen: 

Na·simang iakoba poraina man·gen: June-ni  20 tarikko  Defence Minister-ni re•baenganina Laitkor Peak-ko Tourist-rangna chipenga

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub