New Delhi, June 17: Central Board of Secondary Education (CBSE)-ni class 12 result-ko tarie da•o re•baenggipa July 31 tariko parakna man•na gita Bristibar salo, Supreme Court-na niamrangko on•ataha.
Ia bilsio CBSE-ni class 12 result-ko tarina dongimin niam gitade, class 10-ni board porikkao nambatgipa subject minggittamniko 30 percent, class 11-ni final porikkaniko 30 percent aro class 12-ni unit test aro mid-term baksana pre-board porikkarangoniko 40 percent ra•anggen.
Class 12-ni practical ba internal assessment mark-rangkode skulni gita CBSE portal-o donatgiminoniko ra•angskagen.
Chu•gimik mark-rangko on•aniba skulni class board porikkarango chatro chatrirangni man•ani krisa ong•na nanggen.
Indake ong•engon, Supreme Court-ni gitaba ia niamrangko ra•chake, class 12-ni chatro chatrirangna mark-rangko on•na dongimin niamrangko u•iatna gita CBSE aro Indian Certificate of Secondary Education (ICSE)-na bilko on•angaha.
“Ia niamrangko chatro chatrirang chu•ongnikjagenchim ong•ode obostarang namkalahaon porikkarangko seskana man•gen,” ine kachari parakataha.
