Shillong, Apr 28: Mongolbar salo Meghalaya Early Childhood Development Mission (MEDCM), Shillong-ni Archdiocese-ni ning·ao donge manderangna dangdike on·enggipa Social Service Centre (SSC) baksa dam 47 parish-rango early childhood development programme-ko ong·atangna ine Memorandum of Understanding-ko (MoU) Laitumkhrah-ni Bianchi Hall-o sorkarini a·gipigipa dilgiparang, mondolini dilgiparang aro dingtang dingtang Archdiocese-rangni parish priest-rangni mikkango soi ka·angaha.
Ia bilsi gnina dongimin programme-o parish-rang gita kam ka·enba dam 1,000 songrango mondolini kamrang baksa scientific bewalo bi·sarangni dal·roroanina ranta ka·anirangko dakna ine miksongenga.
A·doko songdonggipa bi·sarangni chu·onga gita cha·a-ringaniko man·gijanichi be·enni bilgrianirangko man·aniko nike ia bakrimaniko a·bachengataha. Bilsini kri be·enni dal·roroani komianiko Meghalaya-o pilakna bate nikna man·a, jeon bilsi bongani ning·ao ong·gipa bi·sarangoni 46.5% de bilsini kri dal·roroani chu·ongjaenga aro ian 35.5% national average man·gipanaba bata.
Ia programme-ni ning·ao bi·sani skanggipa sal 1,000-na kam ka·gen ine official-rang parakataha – ian ma·ani an·o dongchengaoni bi·sani bilsi gni ong·aona kingking ong·a aro ia soimoian bi·sani taningni dal·roroanina aro mikkangchi an·seng-baljoke janggi tanganina nangchongmotgipa somoi ong·a ine bang·a u·i-ma·sigipa manderang agantoka.
Uandake, parish-ni ning·ao donggipa chadambe dolrang, ma·gipa dolrang, pagipa dolrang aro nokdangni dolrangni gita early childhood development-ni (ECD) ranta ka·anirangko gipatna miksongenga. Una agreba, bi·sa atchina skangba ma·a-paarangko nama ranta ka·anirangko ja·rikna didina ine bia ka·na skang ku·pattianirangko dakanioba kamalrang iarangko skie on·anggen.
Ia progamme-ni ning·ao mongsonggipa agan-skie on·na nanganirangara – bi·sani atchiani ja·man jadokona kingking ma·ani sokkosan on·ani, on·chapgipa cha·anirangko namdapatani aro rokomari cha·anirangko on·chapani, bi·sani nangani kri nirok-simsakani aro pagiparangko bang·bate bak ra·atani, noko nambata cha·ani-ringanirangko man·na me·su bagan dakanirang, aro bi·sarangni dal·roroani aro saksa sakgipin baksa nangrimanirangni gimin dal·drobaenggipa chadamberangna mikrakatanirang.
Ia programme-ko a·bachengataniara songni-nokni manderangni dilanichi dingtangroroaniko ra·bana kam ka·aniko mesoka ine Additional Chief Secretary aro MECDM-ni CEO Dr. Sampath Kumar aganangaha.
“Ian sorkarini dakna nanggnisan ong·aija indiba songsalni aro mondolini dakna nanggniba ong·a. Mondolirang antirikkitan manderangko gronga. Dikdiksa somoirangna ma·a-paarang baksa golpoe roanirangba mikkangchina nambata dingtanganiko ra·bana ama,” ine ua aganangaha.
Uandake, a·dok sorkarini aro mondolini bakrimaniko Archbishop Victor Lyngdoh-ba namnike ra·chakaha aro bi·sani name dal·roroaniara mondolini dakna nanggipa ong·a ine ua janapangaha.
Una agreba, ia programme-ara namgipa ma·a-paarangko ong·atani aro songsalo tom·tome janggi tangna SSC-ni miksongani baksa melia ine SSC-ni Director Fr. Teiborlang Lyngdoh-ba aganangaha.
MECDM-ara Asian Development Bank-ni dakchakenggipa 2022 bilsio a·bachengatgipa mission ong·a, jeni ning·aon dingtang dingtang department-rang jekai health, education, social welfare aro rural development-ko dondime kamrangko ka·enga.
SSC-ni iandakgipa bakrimaniara ia mission-ko mondolirang baksa ku·mongrime dal·dapatroroaniko mesoka, aro nama cholon-bewalrangko ra·bana songni-nokni manderangna kam dangdike on·na cholko on·a ine official-rang parakatangaha.
Na·simang iakoba nina man·gen:
Na·simang iakoba poraina man·gen: Guwahati, Mathgharia-o gari ta·rakdugae salanichi me·chik sak 3 sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
