Shillong, May 20: Re•baenggipa 2027 bilsio National Games-ko Meghalaya a•doko sokachakna siengani gimin manderangna rongtalgipa cha•ani ringanirangko on•na man•na gita a•dokni Food Safety department, dingtangmancha catering program-ko Shillong-o a•bachengataha.
Ia program-ko ong•atani bidingo, Food Safety department-ni Deputy Commissioner DBS Mukhim, talate on•angengon, ia program-ko a•bachengatanio, a•dokni skotong Shillong songjinmao mingsingbatgipa dam 18 restaurant aro hotel-ni nokgiparang bak ra•angaha ine parakataha.
Ia training program-ko ong•atanio, hotel aro restaurant gita dakgipa biaprango, manderangna simsak nirokaniko on•ani aro mongsongbate cha•ani ringanirangko sachianio rongtal an•talaniko rakkina nangani gimin skie on•enga ineba Mukhim aganaha.
Shillong-ni hotel aro restaurant ge•antion, manderangna cha•ani ringanirangko sachie on•anio naljokgnigipa niamrangko ja•rikchina gita department, rakgipa niamrangko ra•gatenga ineba ua aganaha.
Meghalaya a•doko iandakgipa training-ko on•ani ian skanggipa ong•enga ineba Food Safety-ni Deputy Commissioner parakataha.
Na·simang iakoba nina man·gen:
Na·simang iakoba poraina man·gen: Rong•chun bikotani project-ko jegale songni manderang, EJH-ni DC office-ona re•jomanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
