Tura, June 16: Budhbar salo, chang 47th Meghalaya State FIDE-rated Chess Championship-ko ong•atani name matchotangaha aro iano susaanggiparangoni sak 4 chegiparang Meghalaya-ni gita, mikkangchi ong•atnasienggipa National Championship-o bak ra•anggen.
Ia tournament-o, a•dok gimikoni sak 84 chess kal•na sapgiparang bak ra•angaha aro uarangoni, Silseng N Marak skanggipa biapo chegipa ong•aha, Silkam Sangma gnigipa biapko man•aha, Barbith M Sangma gittamgipa biapko man•aha aro Bensing G Momin brigipa biapko man•e chegipa ong•aha.
Ia sal 4-ni tournament-ko, June 12th tarikoni 15th tarikona, Meghalaya Chess Association, Shillong baksana West Garo Hills a•jani District Administration aro Tura-ni District Sports Office nangrime dakchakanichi aro Hub News, Simsang Chi, Marak Pavers, Prime Alternative aro gipinrangni sponsor ka•anichi, Garo Hills Chess Association (GHCA)-ni gita ong•atangaha.
Indake, ia tournament-ko, Chess-ni FIDE Laws aro Swiss System-ni round 8 dake kal•suaani ning•o, minute 60 aro ja•kuprak jite kal•anio second 30-ni gita bariroroate kal•angaha.
Ia tournament-o, T. J. Biju Singh, Chief Arbiter ong•e, Arun Singh Deputy Chief Arbiter aro Gulap Gogoi Technical Arbiter ong•e dilangaha.
Tournament-ni matchotani salo, Chief Arbiter aro gipinrang baksa, Asanang Nokma-ni palo Rita Ch Marak, chegiparangna Trophy aro Certificate-rangko on•àngan baksa tangkarangkoba boksis on•angaha.
Indake, 5th, 6th, 7th aro 8th gipa biapko man•anggiparangara, Pringprang Ch Marak, Aedhendu Sekhar Mandal, Nityananda Hajong aro Marcosh N Marak ong•achim.
Me•chik dolrangoni bilsi 10-ni ning•o susagiparangoni, Ansame Ch Marak chegipa ong•aha, bilsi 14-ni ning•o Aesara Ringmitelachi Ch Momin chegipa ong•aha, bilsi 18-ni ning•o Amaziah Gapesa Marak chegipa ong•aha, a•dok gimikoni bilsi 18-na batao susagiparangoni nambatsranggipara Jasintha Ch Marak ong•achim.
Me•asa dolrangni bilsi 14-ni ning•o susaanio, Mayukh Sah, Garo Hills gimikoni bilsi 18-ni ning•o susaanio nambatsranggipara Arno Rikrim Ch Momin aro S50 vateran-ko man•giparangara, Eidenson Marwein aro Silberth Ch Marak ong•achim.
Best Khasi Hills, Best Jaintia Hills aro Best Unrated susaanio nambatsranggiparangara, Anubhav Sharma, Zephaniah R Dkhar aro Pynmanroi Suting ong•achim.
Na·simang ia video-koba nina man·gen:
Na·simang iakoba poraina man·gen: PM Modi, G7 summit-ni somoio Pope Francis-ko India-ona re•bachina okama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
