Resubelpara, Jan 21: A·dokni gipin bakrang baksa, chang 54-gipa Meghalaya Day-ko North Garo Hills a·jani Mini Secretariat, Resubelpara-oba maniangaha.
Ia tom·anioTourism Minister, Timothy D. Shira mongsonggipa sokgipa ong·e bak ra·angaha aro unbaksana, Kharkutta-ni MLA Rupert Momin, a·jani Deputy Commissioner Dr. Abhishek Saini aro dingtang dingtang Department-ni officialrang aro dingtang dingtang dolni dilgiparang dongpae bak ra·angaha.
Tom·anio mongsonggipa sokgipa Tourism Minister Timothy D Shira jinmana aganengon, Meghalaya a·dokko bimang ong·atna kam ka·ani itihas-ko gisik ra·atpilaha.
Indake, All Party Hill Leaders Conference (APHLC)-ni ning·o dilgiparang jekai, Captain Williamson A. Sangma, Brington Buhai Lyngdoh, Stanley Nicholas Roy aro gipinrangni krengdilanichi a·dokko 1972 bilsini January 21 tariko man·aha ine aganaha.
A·dokko man·ani ja·man, rika cho·ani, connectivity, tourism, health department-ni, lekka pora skianiko on·ani aro ge·a gamaniko dakanio tang·doaha ine janapatengon, a·dokko namroro silroroatanio ku·mong nangrime kam ka·china pilak songdong a·chagiparangko ua mol·molataha.
Ia manianiko manianio, a·jao on·gilgiparang aro niksengatgiparang, jekai, mountain biker Taitus Ch Marak, Rev. Omed W. Momin sagi aro Rev. Ramke W. Momin-ni nokdangni manderangna, mande ra·pilskaani gita upadi-ko on·angaha.
Unbaksanaba, Cluster Level Federations (CLF)-ni member-rangna Horticulture Department-ni Seed Bank Programme & CM Catalytic Fund-ni ning·o nambata ge·a gamaniko dakna man·a gita, seed kits ba bitchil porikka ka·e niani aro ge·a gamani ostrorangko suale on·angaha.
Na·simang iakoba nina man·gen:
Na·simang iakoba poraina man·gen: Tourism-ko nambatatna Aizawl international half marathon-ko ong•atanggen: Mizoram Minister
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
