Shillong, Nov 21: Chatro chatrirangni scholarship-ko da·o antisa antignini gisepon sorkari watatgnok ine Mongolbar salo, Meghalaya a·dokni Education Minister Rakkam A Sangma parakataha.
Iani bidingo kobor ra·timgiparangna talataniko on·angengon, Post matric scholarship-kode ma·mong sorkari aro a·dok sorkarini gisepo baksku-baksa dake Tribal Affairs Ministry-onisa dakchake on·enga aro iana a·dok sorkarini gitade kamrangko matchote UC-rangko on·atmanahani gimin da·o antisa antignini gisepon chatro chatrirangni scholarship-rangko watatna ka·dongenga ine Education Minister parakataha.
Tribal Affairs Ministry-oni tangka paisarangko watatahaon a·dok sorkari, tangka paisarangko chatro chatrirangni account-rangona watatskagnok ineba Sangma aganaha.
Education Minister-ni u·iatani gitade, bang·a chatro chatrirangan dingtang dingtang a·selrangchi an·tangtangni scholarship-rangko man·tokkujaenga ine Education department, badi ka·anirangko man·soaha aro iani bidingo Education department-ni officer-rang, re·anggipa Sukrobar salosan, bank official-rang baksa tom·e agangrikangaha.
Bang·bata chatro chatrirangni bank account-rang aro IFSC-rang ong·jani gimin iarangko ta·raken taridapchina gita bank official-rangna u·iataniko on·ataha ine janapatengon, banoba maikoba taridapna nanganirang donggenchimode uarangni bidingo chatro chatrirangna u·iatna man·na gita sorkarina u·iatskachina bank official-rangko sorkari mol·molataha ine Sangma parakataha.
Iakoba poraie nina man·gen: Cricket-na gisiko nanggipa bilsi 21 ong•gipa saksa me•asa rang•gitik sia
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
