Tura, Nov 28: West Garo Hills a•jani Gambegre C&RD Block ning•o donggipa Chigitchakgre songko Mongolbar salo, Meghalaya a•dokni Chief Minister Conrad K Sangma, ‘Bee Village’ ba bija song ine parakangaha.

Chigitchakgre songo bija jile man•enggipa bija bitchirangko botolrango chipe donna, bija bitchirangko mesokna aro ia songko ‘Bee Village’ ine gipin biaprangoni manderangko salbana gita sorkari, ia songna pilak nanga dakchakanirangko on•anggen ineba ua parakataha.

Keeping the sweet progress of the Apiculture Mission 2.0 alive, today we declared Chigitchakgre village under Gambegre C&RD block in West Garo Hills District as ‘Bee Village’.

Will be sanctioning ₹10 Lakhs from the CM’s Special Development Fund (CMSDF) to the village to… pic.twitter.com/6BBmcn853z

— Conrad K Sangma (@SangmaConrad) November 28, 2023

Apiculture Mission 2.0-ni ning•o sorkari, bija bitchirangko bikotna aro tarina gita dakchake on•enga ineba ia tom•anio Chief Minister parakataha.

Chief Minister-ni aganani gitade, Chigitchakgre songko ‘Bee Village’ ine parakanichi gipin biaprangoni manderangko ia songona salbana cholrangko on•gen aro ian songni manderangna dingtang dingtang janggi tangani cholrangko on•na dakchakani ong•skagen.

Chigitchakgre songo bija bitchi man•aniko bariatna gita CMSDF-ni ning•o gong lak 10 tangkarangko dakchake on•na gitaba ia tom•anio Chief Minister parakataha.

An•tangtangni bading chiwalani kamrangko a•bachengna gita sorkarini a•bachengatgipa CM-Elevate program-ni namgnirangko ra•china gitaba ua songni manderangko didiangaha.

Ia program-ko ong•atanio a•dokni Chief Minister, songni manderang baksaba agangrikangaha.

Iakoba poraie nina man·gen: Nov 29 tarikoni M’laya-ona petrol, diesel-rangko salbajawa