20.3 C
Tura

Chigitchakgre songko ‘Bee Village’ ine CM paraka

Must read

Tura, Nov 28: West Garo Hills a•jani Gambegre C&RD Block ning•o donggipa Chigitchakgre songko Mongolbar salo, Meghalaya a•dokni Chief Minister Conrad K Sangma, ‘Bee Village’ ba bija song ine parakangaha.

Conrad declares Chigitchakgre village in West Garo Hills as “Bee Village”

Chigitchakgre songo bija jile man•enggipa bija bitchirangko botolrango chipe donna, bija bitchirangko mesokna aro ia songko ‘Bee Village’ ine gipin biaprangoni manderangko salbana gita sorkari, ia songna pilak nanga dakchakanirangko on•anggen ineba ua parakataha.

Apiculture Mission 2.0-ni ning•o sorkari, bija bitchirangko bikotna aro tarina gita dakchake on•enga ineba ia tom•anio Chief Minister parakataha.

Chief Minister-ni aganani gitade, Chigitchakgre songko ‘Bee Village’ ine parakanichi gipin biaprangoni manderangko ia songona salbana cholrangko on•gen aro ian songni manderangna dingtang dingtang janggi tangani cholrangko on•na dakchakani ong•skagen.

Advertisement

Chigitchakgre songo bija bitchi man•aniko bariatna gita CMSDF-ni ning•o gong lak 10 tangkarangko dakchake on•na gitaba ia tom•anio Chief Minister parakataha.

An•tangtangni bading chiwalani kamrangko a•bachengna gita sorkarini a•bachengatgipa CM-Elevate program-ni namgnirangko ra•china gitaba ua songni manderangko didiangaha.

Ia program-ko ong•atanio a•dokni Chief Minister, songni manderang baksaba agangrikangaha.

Iakoba poraie nina man·gen: Nov 29 tarikoni M’laya-ona petrol, diesel-rangko salbajawa

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

More articles

-->
-->

Latest article