Shillong, Nov 28: Meghalaya a·dokni Ri Bhoi a·jao donggipa National Highway ramarango, a·dokona petrol, diesel aro uandakgipa torangko salbaenggipa tanker garirangni kosako police-rang sinjetanirangko on·enga ine matnangatenba, November 29 tarik dipet Meghalaya a·dokona petrol, diesel aro uandakgipa bosturangko salbajana gita North East Petroleum Mazdoor Union (NEPMU) parakataha.

Iani bidingo Meghalaya a·dokni Food, Civil Supplies & Consumer Affairs-ni Minister-na seachi u·iatengon, November 24 tarikonin Meghalaya-ni police-rang, Ri Bhoi a·jani 18th Mile-onin a·bachenge, a·dokona petrol aro diesel salbaenggipa tanker driver-rangko ong·gija dakenga ine matnangenba sasti on·e roenga ine NEPMU parakataha.

Police-rang, petrol salbaenggipa mitam tanker-rangko aro 22 Mile-o donggipa Dhaba-o mi cha·na neng·takgiparangko kragija dake rim·aha aro uni ja·manba petrol salbaenggipa mitam tanker-rangkoba maming a·sel gri police-rang rim·aha ine janapatengon, Meghalaya a·dokona petrol aro diesel-rangko salbaenggipa tanker driver-rangni iandakgipa neng·nikanirangko namatkujaskal Meghalaya a·dokona IOCL, BPCL aro HPCL-ni petrol, diesel aro uandakgipa bosturangko November 29 tarik dipet salbajawaha ine NEPMU, mikrakataniko on·angaha.

Iakoba poraie nina man·gen: Williamnagar jillao gital rama tarienggipako Skotong Minister nianga