Dibrugarh, May 16 : China, Myanmar aro Bhutan a•songrangni bakrobegipa sima ari-rang baksa nangdimgipa Arunachal Pradesh-ni a•bri jolni ramarangko namdapatani kamrangko ka•engon, ia jolrango banga pangkamgipa ramarangko tariani jumangosan ong•kuenga. Rama jallang nama dongjani a•sel ua jolo songdongengipa manderangni janggi tanganio neng•nikanirangkosan ra•baia ong•ja, indiba sorkarini pilak scheme-rangko man•gnirangonikoba bon•chongdikatani ong•a.
Arunachal Pradesh-ni Shi Yomi a•jani banga biaprangan Indo-China-ni sepangjolo donggipa biaprang ong•a, jeon namdapatani ba tang•dobatatani in•gipara nitogipa ming•sa kattasan ong•aia. Ia indakgipa biapona sorkarini scheme-rangko sokatna gita a•dokni Deputy Commissioner Liyi Bagra, ia kenbegipa aro ga•nanggijagipa ramako re•angenba, ia bonchotgipa Komte songona Arunachal Pradesh-ni sorkariko dilenggipa Pema Khandu-ni a•bachengatgipa “Sewa Aapke Dwar”-ko sokatna miksonge re•angaha.
DC aro uni dolrang, Yomi chibimako batsotenba, km 14 mang ong•gipa namgijagipa a•brirara dakgipa ramarangko JCB-o re•angaha. Ua biapona soka jaman, DC ua jolo songdongengipa manderangko, ma•mong sorkarini on•enggipa PMGSY-ni scheme-ni gita ia namgijagipa ramarangko tarie on•gen ine ka•dongataniko on•angaha. Komte songna agreba, Pangri, Geching aro Pongte songrangba a•song gipin baksa bading chiwalaniko dakna gita ia ramaon pangchakna nanga. DC, ia songo mobile tower songanikoba niangjolaha. Bagra aro uni dolrangko songni manderang mande ra•an baksa kusi ong•e rimchaksoaniko daksoaha.
Na·simang ia video-koba nina man·gen:
Na·simang iakoba poraina man·gen: Salgro Salaram jolrango ding•anirang batroroenga, 5°C mangni gita tang•dodapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
