Tura, May 7: Garo Hills-o chiring chibisikrang tiproroangengahani a•sel neng•nikanirangko chagrongna nangtokengahani gimin chiring chibisikrangko ripingna gita a•dok sorkari, songni Nokma Sanerang baksa nangrime kamrangko ka•anggen ine Mongolbar salo, Meghalaya a•dokni Chief Minister Conrad K Sangma, Nokma Council-na ku•rachakaniko on•ataha.
Mongolbar salo, Chief Minister-ni okamataniko man•e Nokma Council-ni membor-rang, Walbakgre-o donggipa CM-ni nokona re•angenba maikai Ganolma aro Ganolsa-ni chibisik samba jolrango a•ba o•e cha•anirangko champengna man•gen, iarangni bidingo Chief Minister baksa chanchirimangaha aro uandaken songni nokni manderangna a•dok sorkari, dingtang janggi tangani cholrangko on•skae, a•ba o•e cha•anirangko champengna apsan kamrangko ka•angna ine ia tom•anio Chief Minister, Nokma Council-ni membor-rangna ku•monganiko on•ataha.
Indake ong•engon, iani bidingo Garo Hills Autonomous District Council (GHADC) aro Nokma Council baksa re•baenggipa May 15 tariko Shillong-o apsan tom•e chanchirimangtaigen ineba Chief Minister parakataha.
Garo Hills-ni chiring chibisikrangko ripingna gita apsan nangrime kamrangko ka•na ku•rachakaniko on•atahani gimin Nokma Council-ni membor-rangba Chief Minister-ko mittelpilangskaaha.
Na·simang ia video-koba nina man·gen:
Na·simang iakoba poraina man·gen: 2024 bilsini ICSE porikkao Tura Public School pass ka•gopa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
