Tura, May 6: Sombar pringo, Class X porikkani result-ko parakatanio, Garo Hills a•ja gimikoni Indian Certificate School Education (ICSE) curriculum school, chong•motan, Tura Public School mangmang name chu•sokgipa ong•aha.
Ia school-oni ICSE board porikkao, gimik gimang sak 30 chatro chatrirang porikkako seaha aro uamang gimikan pass ka•tokaha, jeon, Madonna Rimaya Laloo, 94.4% ko man•enba, school gimikoni bang•bata mark-rangko man•aha.
Uamangoni, sak 3 chatro chatrirang, 90% ko man•aha aro gipin sak 8 chatro chatrirang, 80% na bate mark-rangko man•skaaha.
Indake, ICSE board-ni curriculum, a•songni pilak school education board-rangoni rakbatgipa ong•a aro bang•bata somoion uko Anglo-Indian board ine jakkalbata. Adita niksenggipa institution-rang jekai, Darjeeling Hills baksana, Loyola’s North Point, St. Paul’s, Loreto, Mount Hermon, Dr. Graham’s Homes-Kalimpong, St. Joseph’s Convent for Girls, St. Augustine for Boys, Kurseong-ni Goethals Memorial (jean St. Edmund-ni branch ong•a) aro gipin institution-rang ICSE curriculum-ko Class X-na jakkala aro Senior Indian School Certificate (ISC)-ko Class XI aro Class XII-ni curriculum-na jakkala.
Ia bilsioba, Darjeeling, Kalimpong, Kurseong school-rang, ICSE aro ISC result-rangko parakatengon manderangni gisepo changsatai mingsingako man•aha.
Batanggimin somoirango, ICSE school-rangko mingsinggiparangoni Shillong-ni St. Edmund’s aro Loreto Convent school-rang, Darjeeling-ni gnigipa ine de•mitelaniko man•gipa ong•achim, indake ong•genchimoba, ia somoirango, ICSE aro ISC curriculum-ko on•anio, Pinemount school-an mangrakbatgipa ong•enga.
Na·simang ia video-koba nina man·gen:
Na·simang iakoba poraina man·gen: Jabol ma•ekatgipa ostroko Tura-o songaniko CM nianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
