Imphal, Mar 19: Manipur a·dokni Churachandpur a·jao kajia golmal ong·taiaha aro ia gondogol ong·anio saksa siaha.
Ia a·sel, Hmar-ni dilgipa saksako chadrapani bidingo, Hmar aro Zomi jatrangni gisepo tom·tomaniko ra·bana gita Monggolbar attamo songgrikaniko dakani somoio Zomi jatrangni nisanko songdoaniko Hmar jatrangni champengani ja·man dolgnini gisepo nanggrikani ong·aha.
Ia a·sel ong·anio bilsi 53 ong·gipa Lalropui Pakhumate an·tang janggiko gimaatna nangao ga·akaha aro adita manderangan saknaatako man·aha.
Police-rangni u·iatani gitade, ia dolgnini gisepo nanggrikani ja·man rong·te goani, dokan aro sakgipinrangni gamrangko nosto ka·e galaniko nikna man·aha.
Indake ong·enggon, Central Forces aro chel·chaksoenggipa sipairangko Churachandpur-ona watataha aro District Magistrate-ba, a·jao tom·tomaniko ra·bana jotton ka·china mol·molataha aro a·jao so·sojengjeng ong·aniko komiatna chanchirimaniko dakna gita songsalo dilgiparangko okamaha.
Iani gisepon, Zomi Students’ Union, Churachandpur-o bandh-ko ong·atna a·bachengatskaaha.
Na·simang ia video-koba nina man·gen:
Na·simang iakoba poraina man·gen: HNLC-ko bilsi bongana champengattaiani gimin kachario ra•bina tik ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
