Shillong, Sept 27: Bi•sarangna on•enggipa samrango glass gita apsan dake nikgipa bostuko Civil Hospital Nongpoh-o man•aha. Ia glass gita apsan dake nikgipa bostuko Nongpoh-ni saksa ma•gipa an•tangni bilsi 6 ong•gipa bi•sana on•gipa samrangoniko nikani jamano badi ka•ahaon ia obostako u•ina gita man•aha.

Ia a•selni bidingo kna•ahaon Khasi Students’ Union(KSU) Nongpoh Circle, Budbar salo tom•e agangrikna gita Ri Bhoi-ni District Medical Health Officer-ko okamaha. Tom•anio agangrikengon, mikkangchina jakrengsoaniko nike, KSU raken aganangaha aro ia a•selni bidingo taraken nirok sandianiko dakchina ine didiataha.

Ia obostani bidingo kakket ba chongmot kattako am•sandina nanga aro Civil Hospital Nongpoh-o sanna bannaniko dakenggipa manderangna jajrenga gri naljokaniko on•a man•a gita ka•daonganiko on•china inenba KSU aganangaha.

Indake ong•engon, ia samrango man•gipa bostuko porikka ra•e nina gita Medicine Inspector-ona watataha aro ian skanggipa changna Civil Hospital Nongpoh-ni samrango indakgipa bostu man•chapaniko badi ka•ani ong•a ine Ri Bhoi-ni District Medical Health Officer parakataha.

Ia hospitalo sanna banna niko dakenggipa manderangna an•seng baljokaniko on•a man•a gita ia samrangko a•jani ning•o sualaniko dondikataha ineba ua ku•rachakangaha.

Iakoba poraie nina man·gen: India-ni National Book Trust, Shillong Book Fair-ko a·dokni skotongo ong·atnasia

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub