Shillong, Sept 26: India sorkarini Ministry of Education-ni ning·o, India-ni National Book Trust, re·baenggipa September 27 tarikoni October 3 tarikona a·dokni skotong Shillong-o donggipa State Central Library-ni Secretariat Hills-o Shillong Book Fair-ko soka-chaknasienga aro ia Book Fair-ko Meghalaya sorkarini Department of Arts & Culture aro Education Department nangrime ong·atanggen.
Mingsinggipa manderangni segipa lekka-ki·taprangko mesoke manderangna palanirangko dakna gita anti-gimikna ong·atnasienggipa book fair-o, a·dokoni lekka serakgiparangko dingtangmancha mande ra·an baksana “Aramrangni Ma·chakram” ine mingako man·pilgipa a·dokni daka-rikanirangni gimin dakmesokanikoba soka-chakangjolgen, aro ia book fair-o joltangoni manderangchi segipa lekkarangko man·chape dingtang dingtang dakgipa lekka-ki·taprangko manderangna mesoke palanirangko dakanggen. Unbaksana, anti-gimikni somoio, dingtang dingtang tom·anirang, gital lekkarangko oprake on·anirang, agangrikanirangko ong·atanichi poraigiparangna uamangni namnikgipa lekkako senokgiparang baksa agan-golpogrikna gita cholrangkoba man·gen.
Ia Shillong Book Fair-o, India-ni National Book Trust-ni lekkarangko man·chape, a·song gimikoni niksenggipa manderangni segipa lekka-ki·taprangko mesoke palanirangko dakna gita ge 50 dokanrangkoba songgen, aro ia dokanrango Meghalaya a·dokni gimin aro a·jatangni sea-jotani gimin nangchape English, Khasi, Garo aro a·songni gipin ku·sikrangchi segipa dingtang dingtang rokomni lekka-ki·taprangkoba mesokanggen.
Iakoba poraie nina man·gen: Manipur-o so•ota man•gipa chadambe sakgnini noksa ta•raken giproroa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
