Mendipathar, May 26: Meghalaya a•dokni Skotong Minister Conrad K Sangma, North Garo Hillsni Mendipathar-o Climate Action and Climate Adaptation programme-ko a•bachengate onanganio, bang·a dingtang dingtang mongsonggipa kamrangkoba a·bachengate on•angjolaha.
PHE Minister Marcuise N. Marak, Social Welfare Minister, Paul Lyngdoh, MLA Marthone Sangma aro Rupert Momin-ni dongpaanio, Skotong Minister ia dingtang dingtang kamrangko oprake on·angaha. Una agreba, Mendipathar-o Girl’s Hostel aro Resubelpara-o Tribal Hostelkoba oprake on•angjolaha.
Ia kror 500-ni Climate Adaptive Community-Based Water Harvesting Project-na ADB dakchakaniko on·enga aro iako Meghalayani pilak a·jarango chi-na neng·nikaniko namatna aro uko ripingna kamrangko a·bachengatgen ine ua parakataha.
Una agreba, da·alo kror 47.19-ni “Megh Adapt Pay” projectkoba a·bachengataha, jean bolrangko ge·na, dongkuenggipa burungrangko name ripingna aro ge·a-gamani a·arangko namdapatna Soil and Water Conservation Departmentni jako ra·e ka·enggipa Climate Adaptive Community Based Water Harvesting projectni bak ong·a.
Ia projectni ning·o burungrangko rakkina, nosto ong·gimin a·arangko ritimatpilna, samtangtangko namdapatna, tipanggipa chimikrangko tangchaatpilna aro a·dok gimikko tangsekgilgil ong·atpilna sorkari aro songni manderang bakrime kamrangko ka·gen ine skotong minister aganaha.
Una agreba, Mendipathar Collegeni Girl’s Hostelko kor 3 tangkarangchi rikaha jekon Awe Self Help Group chalaigen aro Resubelparani Tribal Girls’ Hostelko kror 2.5 tangkarangchi rikaha jekon Ramke Memorial School chalaiskagen aro ia hostelrang songadam diltuaoni re·bagipa me·chikrangna mamung champengani gri poraina dakchakgen ine skotong minister agandapaha.
Na·simang ia video-koba nina man·gen:
Na·simang iakoba poraina man·gen: Darugre-Karonggre NH-217 ramao nokrangko rikjachina sorkari mikrakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
