Shillong, Jan 29: Meghalaya a•dokni Skotong Minister Conrad Sangma, PM Modi-ni a•bachengatenggipa Pariksha Pe Charcha-ko Sombar salo New Delhi-ni Bharat Mandapan-o ong•atanio, a•songni dingtang dingtang bakoni skigiparang aro chatro chatrirangni dongpaanio, bakko ra•angaha.
Iandakgipa program-rangko ong•atanio, chatro chatrirangko Prime Minister baksa agan golpogrikna cholrangko on•enganina, gisiko kusi ong•aniko CM parakangaha. Aro ramram manderangna iandakgipa cholrangko on•enganichi, chasongni kri dingtanganiko nikna man•enganikoba ua aganangaha.
Indake, PM an•tangni kattarangchi, skigipa aro chatro chatrirangko ra•doaninaba, Conrad mitelpilskaaniko dakangaha.
“Iandakgipa ja•kurangko de•anina namen kusi ong•bea, jeon, mande ra•ako man•a kragipa PM baksa chatro chatrirang agan golpogrikna gita cholrangko man•enga, jekon chingni chasongo man•a neng•achim. Ia bewalrangchin, somoirangni aro a•songni dingtanganiko u•ina gita man•a jeon, PM baksa ramram manderang agan golpogrikna gita cholko man•enga. Skigipa aro chatro chatri dolgnikon ra•doanina, mande ra•ako man•a kragipa Prime Minister-ko mitela” inenba CM, X-o seataha.
‘Pariksha Pe Charcha’ program-ko ong•atani somoio, Prime Minister Narendra Modi, an•tang detangni report card-rangko gipinrang baksa tosusaaniko dakjachina gita pilak ma•a paa-kon ku•patiataha aro chatro chatri sakantian, porikka-o poraianio sakgipinrang baksa susaani pal, an•tangan an•tang baksa susaana gita nanga inenba ua didiataha.
Unbaksana, ua chatro chatrirangni minggittam gisikni gita sin•jetanirang, chongmotan, peer pressure ba ripengskani tru sinjetaniko on•ani, parental pressure ba ma•a paa-ni tru sinjetaniko on•ani aro self-induced pressure ba an•tangni kamrangchi sinjetaniko man•ani bidingo ua talate on•angaha. Porikka-na tarisamsoanirango miksonganiko donenba nambate tarisamsoaniko dakna nanga ineba PM didiataha. Chatro chatri rangan, re•baenggipa chasongrango India a•songni niksenggnigipa bimangrang ong•a ine aganengon, ‘Pariksha Pe Charcha’ ian, unade mingsa porikka gita chacha ong•a inenba Modi aganaha.
Iakoba poraie nina man·gen: Chang 84-gipa AIPOC-ko ong•atanio, Speaker Thomas A Sangma bak ra•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
