Guwahati, Jan 18: Assam-ni Skotong Minister Dr Himanta Biswa Sarma, January 19-oni 23 tarikona ong•atnasienggipa World Economic Forum-ni (WEF) Annual Meeting-o bak ra•na Sonibar salo Davos-ona re•angaha. Skotong Minister uanona re•ange a•gilsakni dingtang dingtang business aro policy-rangni dilgiparangni mikkango Assam-ni namroro-silroroani gimin agan-talate on•anirangko dakanggen.
Ia salbongana ong•atenggipa tom•anio Dr Sarma Assam-ni palo re•angenba, dal•algipa karkanarangko chalaigiparang, CEO-rang, economist-rang, aro World Bank, International Monetary Fund aro World Trade Organisation-ni dilgiparang baksa agangrikanirangko dakgen. Uni indake re•anganichi ua WEF-o bak ra•na Assam-ni skanggipa Skotong Minister ong•enga, aro ian a•dokna dal•gipa chu•sokani ong•a.
Skotong Minister uni Davos-ona re•anganio sorkariko rikani dingtangroroani, Assam-o karkanarangni bang•batroroani aro technology-ko ra•bana aro pilakna cholko on•na krenge kam ka•anirangni gimin parakatgen. Uandake, ma•mong sorkari India-ni palo WEF-ona re•angn gipin dal•dalgipa a•dokrang baksa Assam-ko watataha, ian Assam-ni dal•roro-namroroanio ka•donganiko mesoka.
Dr Sarma Advantage Assam 2.0 Investment and Infrastructure Summit 2.0-ko matchotmane Davos-ona re•angaha ine nike, a•dokna bang•a bakrimanirang aro kam ka•anirangko ra•bagen ine ka•dongsoenga.
Davos-o tom•aniko ong•atani somoio, Skotong Minister chang 17 high-level meeting-rango bak ra•anggen aro bang•a memoranda of understanding-ko soi ka•anggen ine ka•dongsoenga. Mikkangchina kam ka•na tarisamsoani, songreani aro tourism-ko multi-trillion-global sector ong•atani, an•seng-baljokani aro nadobaenggipa karkanarangni chanchirimanirangko bak ra•anggen aro India-ni ning•ao janggi tangani gadangko tang•doatanio Assam-ko namgipa biap ong•e ine pilakna parakatgen.
World Economic Forum-ara non-profit organisation ong•a, aro a•gilsak gimiko janggi tangani gadangko tang•doatani, geopolitics, technology aro investment-ni bidingo ian a•gilsako nambatgipa kam ka•ani chol ong•a.
World Economic Forum-ara (WEF) janggi tangani gadangni tang•dororoani, sorkariko rikani aro a•song damsa damgipin baksa bakrimanina a•gilsako nambatgipa cholrangoni mingsa ong•a. Uko 1971 bilsio Klaus Schwab minggipa economist saksa a•bachengataha, aro ia public-private dolrangni bakrimanichi a•gilsakko namdapatna kamrangko ka•enga.
Uni bilsiantini tom•aniko January jao, Davos, Switzerland-o ong•atenga aro ian chugipa gadango ong•gipa tom•ani ong•baaha jeonan a•songrangni aro sorkarirangni dilgiparang, ministerrang, central bank governor-rang, multinational corporation-rangni dilgiparang, global investor-rang, academic-rang, civil society-ni manderang aro a•gilsakni mongsonggipa dolrang jekai World Bank, International Monetary Fund, aro World Trade Organisation-ni dilgiparang re•bae bak ra•a.
Davos-ara Switzerland-ni Salaram-o Graubünden canton-o donggipa a•briarigipa songjinma damsa onh•a. Jan Swiss Alps-o ong•a, aro Zurich-ni Salgipa Salaram-oni 150 km-mang chel•ao ong•a aro uan Europe-ni songjinmarangoni chubatgipa biapo donggiparangoni damsa ong•a.
Uni nitogipa a•briarigipa biaprang aro sin•karini somoio kal•susaanirangna mingsinganina agreba, Davos-ko World Economoc Forum-ni (WEF) bilsiantini tom•aniko sokachakgipa biap ineba mingsinga.
Na·simang iakoba nina man·gen:
Na·simang iakoba poraina man·gen: PM Modi, kror 6,950-ni Kaziranga Elevated Corridor-na pangchakaniko song·e on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
