Guwahati, Jan 18: Prime Minister Narendra Modi, Assam-o Bhoomi Pujan-ko dakenba kror 6,950-ni Kaziranga Elevated Corridor-na pangchakaniko songe on·angha. Kaliabor-o ua jinmana u·iatengon, Kaziranga Assam-ni janggi ong·an baksana India-ni gamchatbegipa sambolrang aro matburingrang ong·a aro ia project-ko ra·baaniara namroro silroroani aro samtangtango donggipa ong·telaigiparangko naljoke rakkianiko apsan dakna man·aniko mesoka ine ua u·iatangaha.
Ia km 86 mang ong·gipa project NH-715-ni Kaliabor-Numaligarh ramani bakko apalbatatenba 4 lane dakatenggen jeon km 35 nangni gita Elevated siani baksana mande aro mongmani gisepo nangrikaniko komiatna dakchakgen.
Cabinet Committee on Economic Affairs (CCEA)-ni ra·chakako man·gipa ia kror 6,957-ni project-ko EPC mode ning·o rikangskagen, jean Nagaon, Karbi Anglong aro Golaghat a·jarang gita napakenba, Upper Assam aro Arunachal Pradesh-ona re·gipa ramarangkoba namdapatgen.
Prime Minister Narendra Modi, buring bolgrimrang aro matburingrangko naljoke rakkianina de·mitelatengon, nambata naljokani aro songni manderangni Van Durga ingipa ja·ku de·anichi 2025 bilsio gondurangko skatang so·otanirang dongjaha ineba u·iatangkuaha. Iani gisepon, Kaziranga-o tourism-ni tang·dororobaanichi chadamberangna kam ka·e cha·ani cholrangkoba bariroroatenga ineba ua janapataha.
Modi, pangchakaniko song·e on·anio Guwahati-Rohtak aro Dibrugarh-Lucknow-ona re·gipa bolgni Amrit Bharat Express Train ba relgarirangko a·bachengate on·ani gisepon, Guwahati-oni Kolkata-ona re·gipa Vande Bharat Sleeper Train-ko a·bachengatgen ineba parakataha. 2014 bilsi dipetoni, Assam-ni relgari ramarangna tangka paisa chamanirang chang 5 mangni gita tangdobataha ineba ua agandapangkuaha. Ua tom·bimonganio, Assam-ni Governor Lakshman Prasad Acharya, Union Minister-rangoni Sarbananda Sonowal aro Pabitra Margherita aro gipin dal·gipa manderang baksa dongpae bak ra·angtokaha·
Na·simang iakoba nina man·gen:
Na·simang iakoba poraina man·gen: PA Sangma stadium-ko naljokani grigipa ine parakja: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
