Tura, September 27: College of Community Science (CSS), CAU, Tura-ni Department of Food Science and Nutrition, National Nutrition-ko maniani gita September 27, 2025-o Food Festival-ko ong·atangaha.
Tom·ani a·bachengo Head of the Department of Food Science and Nutrition, Dr. Namita Singh rimchaksoani kattarangko aganangaha, aro uni ja·mano, CCS, Tura-ni Dean, Dr Jyoti V. Vastrad, Ministry of Women and Child Development, India Sorkari-ni National Nutrition Month-na don·gimin pangchakanirangko parakata baksana namgipa cha·ani-ringanini ranta ka·anirang aro mikkangchina pangkamgipa bewalrangko ja·rikna nangani gimin talate on·angaha.
Ia manianio joltango cha·anirangko tarie bading-chiwalanirangko dakgiparangba bak ra·angaha jekai Minutiae, Jakmatang, Zak’s, Ama Food Products aro Eujia Foods, aro uamang baksa BSc Food, Nutrition and Dietetics-ni chatrirang dingtang dingtang cha·anirangko tarie mesokangaha. Joltango man·gipa sam-gri ge·gipa me·su-samjakrangko done da·oniko nisigija mikkangchina ripinggipa bewalrango cha·anirangko ge·a-gamani aro “Vocal for Local”-ko ja·rikani giminba dingtangmancha mesokaniko dakangaha.
Ia manianio CCS Tura-ni chatrirang aro kam ka·giparang, aro uamang baksa NEHU, Tura Campus-ni faculty aro chatro-chatrirang gisik nange bak ra·angaha. MGMP-ni doka-damanirangchi manderang an·saoataniko man·angaha.
Ia manianiko Department of Food Science and Nutrition-ni Associate Professor Dr. Natasha R. Marak dakdilangaha aro cha·anirangko name gisik nange cha·ani, cha·anirangko tarie janggi tangani cholrangko a·bachengatani, aro saksa sakgipinchiko skie ra·anichi manderangko bakrimatani gimin mikrakataniko on·na ine miksonge ong·atangaha.
Na·simang iakoba nina man·gen:
Na·simang iakoba poraina man·gen: Meghalaya a·dokona a·songtangni manderangna bate a·palchini touristrang bang·bate re·baenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
