Guwahati, May 13: Assam Assembly election-na skang, tol•gipa lekkarangko jakkalenga ine matnangako man•ani ja•man Assam a•dokni Chief Minister Himanta Biswa Sarma-ni jikgipa Riniki Bhuyan Sarma-ni mokordoma ka•gipani bidingo Congress-ni dilgipa Pawan Khera, Budbar pringo, Guwahati Crime Branch Police Station-o mikkangpaeaha.
Assam Assembly election-na skang Press Conference-ko ong•atengmiting somoio Congress-ni dilgipa Pawan Khera, Assam Chief Minister-ni jikgipa Riniki Bhuyan Sarma-ko, tol•gipa lekkarangko tarianio jak donga ine matnangahachim indiba uni iandake matnanganiko CM Sarma-ni jikgipa jegalskaenba, Khera-ni kosako mokordoma ka•doangskaaha.
Iani bidingo Congress-ni legal advocate Ritam Singh, kobor ra•timgiparangna talataniko on•angengon, Pawan Khera-na Supreme Court-ni anticipatory bail-ko on•ani somoion, Assam police-o mikkangpachina aro officer-rangni sing•sandianio bakrimaniko on•china ge•etmanahani gimin Budbar salo ua Guwahati Crime Branch-ni okamatako man•e an•tangan mikkangpaeaha ine parakataha.
Congress-ni sakgipin dilgipa aro gitcham MP Ripun Bora-ba Crime Branch office a•palo kobor ra•timgipa manderang baksa agangrikengon, Congress-ni dilgipa Pawan Khera saksa niamko ja•rikgipa ong•e, police officer-rangna mikkangpana gita Delhi-oni Guwahati-ona re•baaha aro uko sing•sandimanahaon re•angpilna on•aigen ine aganaha.
Congress-ni dilgipa Pawan Khera an•tangba niamko mande ra•gipa ong•ani gimin police officer-rangna mikkangpana re•baaha ine aganaha.
Na·simang iakoba nina man·gen:
Na·simang iakoba poraina man·gen: IMD, India-ni Salgro Salaram jolo mikkarang jimbee waanina mikrakataniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
