Shillong, Oct 11: Meghalaya Pradesh Congress Committee (MPCC)-ni gitcham vice president John F Kharshiing, Sombar salo National People’s Party (NPP)-o napangaha.
Kharshiing-ko NPP-ni national president Conrad K Sangma, NPP-ni working president Sniawbhalang Dhar, KHADC-ni chairman Pyniaid Sing Syiem aro Mawhati-oni NPP MLA Dasakhiat Lamare, dingtangmancha Shillong-ni NPP office-o rimchaksoaha.
“Kharshiing saksa Congress-ni gitcham membor ong•a aro ua dingtang dingtang kamrangni gimin u•i-ma•sigipa mande ong•e, uni NPP-ona re•baaniara NPP-ni kamrango bang•a man•dapani ong•gen,” ine Kharshiing-ko rimchaksoani ja•man NPP-ni national president Conrad Sangma, social media-o parakataha.
