Shillong, Apr 4: National People’s Party (NPP)-ni ku•baltimgipa, Himalaya M Shangpliang, Congress party-na pu•onania, sripenggipa jahaso choenga gita chacha ong•gen inenba Bristibar salo aganaha.
Ia kattarangko, Congress party-ni dilgipa aro MP ong•enggipa Vincent H Pala-ni, NPP dolrangna pu•ongenchimode an•tangko gopna a•kol cho•a gita ong•gen ine matnanganina, Shangpliang-ni aganchakani ong•achim.
Indake, Purno Agitok Sangma sagi aro Prime Minister gitcham Atal Bihari Vajpayee-ni chasongonin, ma•mongo BJP-ni dilenggipa NDA baksa bakrime NPP kam ka•baaha, ia bakrime kam ka•ani gitalgipa ong•ja ineba ua gisik ra•atpilaniko dakangaha.
Unbaksana, Congress party, a•doko aro ma•mongo maming niksamsoani dongjani gimin uamangna pu•ongenchimode namgni dongjawa ine aganan baksa, Khasi aro Jaintia a•jarango namroro sikroroaniko ra•bana man•a gita Ampareen Lyngdoh-na pu•onbo inenba NPP-ni ku•baltimgipa manderangko didiataha.
Una agreba, salantian bang•a manderang Congress dolko watgaltokenga aro Congress-ni jahas sripna skang party-oni ong•kate NPP baksa bakrimtokenga, aro mikkangchiba Congress-na kam ka•e on•enggipa manderang NPP baksa bakrimtokna ka•dongsoenga ineba ua agandapataha.
Congress-ni sakgni MDC baksana uamangna kam ka•e on•enggipa sak ritcha manderang party-oni ong•kate NPP-o bakrimtokaha ineba ua janapataha.
Na·simang ia video-koba nina man·gen:
Na·simang iakoba poraina man·gen: National Moot Court Competition-ko USTM-o a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
