Shillong, Apr 4: Skanggipa Dr BR Ambedkar National Moot Court Competition 2024-ko Bristibar salo, Meghalaya High Court-ni Judge, Justice HS Thangkhiew, University of Science Technology Meghalaya (USTM)-o a•bachengate on•angaha aro ia competition-ko a•bachengatanio Meghalaya High Court-ni Registrar E Kharumnuid, USTM-ni Chancellor Mahbubul Hoque, USTM-ni Vice Chancellor Prof GD Sharma, gipin official-rang aro Law-ko poraienggipa chatro chatrirangba bak ra•angtokaha.
Ia salgittamna ong•atenggipa Dr BR Ambedkar National Moot Court Competition 2024-ko USTM-ni ning•o donggipa University School of Law & Research (USLR), Meghalaya State Legal Services Authority baksa nangrime ong•atenga aro ia competition-o Pune-ni Symbiosis Law School, West Bengal-oni Techno Indian University, Bengaluru-oni Christ University, Shillong-ni North Eastern Hill University aro uandakgipa dingtang dingtang university-rangoni chatro chatrirang bak ra•enga.
Ia Moot Court Competition-ko a•bachengate on•angani somoio Meghalaya High Court-ni Judge, Justice HS Thangkhiew, jinmana aganprakangengon, iandakgipa Moot Court ba dake niani kachariranga, Law-ko poraienggipa chatro chatrirangni u•i-ma•sianiko bariatna gita nambegipa chol ong•a ine parakangaha.
Moot Court-ko a•bachengatani bidingo talate on•angengon, iandakgipa Moot Court Competition-rangko ong•atanichi chatro chatrirangni kenanirangko chel•ate, jinmani mikkango chadenge aganna ka•donganiko aro u•i-ma•sianirangkoba bariatna dakchaka ine Justice Thangkhiew aganaha.
Ia Moot Court Competition-o skanggipa ong•e chegipa dolna gong 25,000 tangka baksana certificate-rangko boksis dake on•gen aro gnigipa dolnaba gong 15,000 tangka baksana certificate-rangko on•anggen.
Na·simang ia video-koba nina man·gen:
Na·simang iakoba poraina man·gen: NGH-o noktango donge pu•onani a•bachenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
