Guwahati, May 25: Congress dolni dilgipa aro Jorhat-ni MP Gaurav Gogoi, Jammu aro Kashmir, Poonch-ni sima ari-o bilakbegipa silchidarerangchi chadrapanio nangchakeako man·e duko ga·akenggipa manderangko grongani pal Bihar election-na tom·bimonganirangko ong·atgipaosa bak ra·e dongenga inenba Prime Minister Narendra Modi-ni kosako matnangataha.
India a·songoni watata man·gipa manderang gipin a·songoni sokbaa jaman iani bidingo chanchirimaniko dakna gita Parliament-o dingtangmancha session dongna nanga ine Gogoi aganangaha.
Assam aro Meghalaya a·doko niamgri koela bikotani giminba ua janapataha. Koela badingsrukgipa dolrang chong·mot onggijagipa lekka pancharangko jakkale koela a·damrango kamrang ka·an baksana name dake nia gri truck-rango niamgri koelarangko ra·angenga ine April jao Enforcement Directorate-ni am·sandianiko dakanio u·ina gita man·an baksana truck bolprakoniko lakh 1.5-ko chimongenba Guwahati-o donenga ine Gogoi janapataha.
Gogoi, iani bidingo maming ja·ku de·aniko dakjani gimin Assam aro Meghalaya sorkarini kosako matnangatengon, batanggimin somoirango Assam-ni Umrangso-o ong·a obostani bidingo gisik ra·atpiltaianiko dakataha jeon niamgri koela cho·gipa sak 9 manderang janggitangko gimaatna nangaha ineba ua janapataha. Assam a·doko dam 245 mang biaprango niamgri koela cho·anirangko da·o dakenga jekon Dispur aro Shillong-ni bil gnanggipa manderang naljoke rakkienga ineba Gogoi a·kangataha.
Ian a·dokni namroro silroroaniko nosto ka·an baksana chadamberangna nangchakeaniko aro niam reti-rangko rakkianio neng·nikanirangko ra·baani ong·a ine aganenba ia obostarangko name nianiko dakchina gita ua PM Modi-o didiataha.
Na·simang ia video-koba nina man·gen:
Na·simang iakoba poraina man·gen: ULFA (I)-ni commander Rupam Asom-ko Assam-Arunachal sima ari sambaoniko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
