Shillong, Aug 21: Conjunctivitis ba mikron saaniara saksa sakgipinona batrikrikgipa saani ong•genchimoba ian mandena kenna nanggipa ong•ja aro ia saaniko altuaen sanna man•aia ine Sombar salo, Meghalaya a•dokni Health Minister Dr M Ampareen Lyngdoh, da•ororo mikron saaniko man•tokengani gimin talataniko on•angaha.
Mikron saaniara ong•rongbewal saani gitasan ong•aia ine janapatengon, ia saani saksa sakgipinona bakrikrikna man•genchimoba ia saanina manderang kenjagokna gita nangja ine Dr Lyngdoh talataniko on•angaha.
Indake ong•genchimoba, mikron saaniko chel•chakna gita an•tangtangko simsakchina, skatang mikronko dangtapjachina ba brikjachina aro mikron saani chinrangko man•genchimode, ta•raken doctor-ko grongechina gita Dr Lyngdoh, ku•pattianiko on•angaha.
Mikron saaniko man•genchimode man•a dipet nokdangni gipin manderangna batrikrikjana gita dingtang nape dongchina aro chosimarangko ganchina gitaba Health Minister ku•pattianiko on•ataha.
Saaniko man•on skatang samrangko jakkaljachina aro pangnan doctor-rangni ku•pattiani gitasa samrangko jakkalchina gitaba Dr Lyngdoh didiataha.
Mikron saani batrikrikangjana gita a•dokni Health department aro a•dok sorkari, man•a dipet champengna gita kamrangko ka•enga ineba Lyngdoh parakataha.
Iakoba poraie nina man·gen: CPI(M) delegation, so·so-jengjeng ong·enggipa Manipur a·dokona wenbaa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
