Shillong, July 8: Meghalaya a•dokni Chief Minister Conrad K Sangma, a•doko bidako skie on•ani a•bao chongipa bi•sarangna skiani gadangko namdapatna nanganian nangchongmotgipa kam ong•enga ine sukrobar salo Shillong-ni Malki biapo Directorate of Education Research and Training (DERT)-ni gital nokko oprake on•ani somoio parakate early childhood education programme-rangko a•bachengatna miksonganiko janapataha.

Uni aganani gitade, “Bidako gipatna kam ka•anio sorkari bang•bea tangka paisarangko jakkalenga jeon bidako skie on•anio nangchongmotgipa jakkalani bosturangko jakkale skigiparangnaba dingtangmancha bi•sarangna skie on•ani bidingo ma•sidapatanirangko dakenga.”

Meghalaya a•dokkoba bidani a•bao a•songni chubatgipa gadangchikkung a•dokrangoni ge•sa a•dok ong•atpana gita skigiparangni jak on•gilanirangko nanganina skigipa sakantikon an•tangtangko nambatgipa skiani cholrangko ra•chinana a•dokni CM didiangaha.

DERT, training institute-ni bidingoba, mikkangchi nambata gadango dal•drobaenggipa bi•sarangni namgnina ku•cholsan kam ka•na ku•monganikoba janapaha.